Viktor Picurke: "Toshkentda qo'lga kiritilgan bir ochko bizni qoniqtirdi"

"Kutganimdek juda og'ir o'yin bo'ldi. Biz birinchi bo'lib gol urdik va shu hisobni saqlab qolishimiz kerak edi. Ammo g'alabaga juda erta ishonib yubordik va o'yin oxirida gol o'tkazib yubordik. Uchrashuv oxirida yuz bergan holat uchun barchadan uzr so'rayman. Bu futbol, u toza o'ynalishi kerak. Safarda qo'lga kiritilgan 1 ochko bizni qoniqtirdi", - deydi murabbiy.

- Bahs oxirida ro'y bergan vaziyat jamoa ichida ko'rib chiqiladimi?
- Albatta buni ko'rib chiqamiz va bunday janjal boshqa takrorlanmaydi deb umid qilaman. Professional futbolchilar o'yin vaqtida nima bo'lsa ham o'zlarini tutib olishlari kerak.

- "Al Ittihod" murabbiyi emas evropalik murabbiy sifatida sizga savol bermoqchiman. Siz chiroyli o'yin tarafdorimisiz yoki nima qilib bo'lsa ham natijaga erishishmi?
- Aytib o'tdim, bugungi o'yin menga umuman yoqmadi. Saudiyalik futbolchilar odatda vaqt cho'zishmaydi. Agar ular maydonda yotishsa demak ularning joni og'rimoqda.

- Salli Muntari 90 daqiqa o'ynashga tayyor emasmidi?
- Uning jismoniy holati yaxshi ammo tizzasidan olgan jarohat tufayli vaqtli almashtirishni amalga oshirdik.

- "Lokomotiv" siz kutgan o'yinni ko'rsatdimi?
- Ha raqib jamoasi xuddi men kutgandek o'yin ko'rsatdi.

Narzulla Saydullaev