Viktor Kumikov: "O'yindan qisman qoniqdim"

- "Mashal" bilan uchrashuvdan so'ng, futbolchilar namoyish etgan o'yindan qoniqmaganligingizni aytgandiz. Bugungi bahs borasida fikringiz qanday?
- Ha to'g'ri aytdingiz. O'tgan uchrashuvdagi futbolchilar harakatidan qoniqish hosil qilmagandim. Bugun natija yaxshi bo'ldi. Birinchi taymda mehmonlar ko'proq xavfli vaziyatlar sodir etishdi. Ikkinchi taymda hujumkorlikni oshirdik. SHogirdlarim o'yinidan qisman qoniqdim.

- Jamoa ko'proq bir hujumchiga tayanib o'ynayotgandek, ikki hujumchi bilan ham o'ynash imkoni bormi?
- Nega bir hujumchi? Biz bugun ham ikki hujumchi bilan o'ynadik. Murzoev va Norbekov oldingi chiziqda harakatlanishdi. Biz faqat o'z maydonimizda "Bunyodkor"ga qarshi bir hujumchi bilan uchrashuvni o'tkazgandik. Qolgan bahslarda ikki hujumchi bilan o'ynayapmiz.