Rasman: Viktor Kumikov "Andijon"ni tark etdi

Koronavirus pandemiyasi tufayli yuzaga kelgan karantin paytida jamoa bosh murabbiyligi lavozimiga Viktor Balyutovich Kumikov taklif etilgandi.

Bugun klubning yangi rahbari Juratbek Quvvatov hamda jamoa bosh murabbiyi Viktor Kumikov uchrashdi va o'zaro kelishgan holda shartnomani ikki tomonlama bekor qildi.

"Andijon" jamoasi nomidan Viktor Balyutovichning keyingi faoliyatiga omad tilaymiz" - deyiladi klub matbuot xizmati bergan rasmiy xabarda.

"Andijon" jamoasi Kumikov boshchiligida jami 10 ta o'yin o'tkazdi. Bu uchrashuvlarda 5 mag'lubiyat va 5 durangga erishildi. Yani, mutaxassis g'alaba qozonmasdan klubni tark etdi. To'plar nisbati esa - 6:14.

Eslatib o'tamiz, Kumikov shu yilning 11 may sanasida andijonliklar bosh murabbiy etib tayinlangan edi.

Rasmiy xabar: Viktor Kumikov - "Andijon" bosh murabbiyi