Viktor Kumikov: "AGMK hozirda qiyin holatda..."

- Odatda g'alaba qozonilmagan o'yindan keyingi matbuot anjumanida qatnashish va nega g'alaba qozona olmaganingni gapirish og'ir. Buxoroda 60 daqiqa o'yinni yutib turgandik. Keyin hammasi o'zgarib ketdi. Bilmadim, negadir yaqin masofadan ham gol ura olmayapmiz. Bizga esa oddiy vaziyatlarda ham gol urishyapti. Jamoaga ko'z tegdimi, hujumda ko'plab vaziyatlar yaratsakda gol ura olmayapmiz. Himoyada tartibli o'ynayapmiz. Futbolchilarni ham almashtirdik. Bu o'yinda to'rt hujumchini bir vaqtda maydonda bo'lgan holat ham bo'ldi. Vaziyatlar bor, ammo natija... Bu gaplar natija yo'qligi uchun bahona emas. Futbolchilarga tushuntiryapman. Jamoa hozirda qiyin holatda, bundan chiqib ketish uchun oxirigacha kurashish kerak, - deydi Viktor Kumikov.

SHoxnazar Norbekov: - Jamoaga omad etishmayapti, deb o'ylayman. Gol urish uchun ko'plab vaziyatlarga egamiz, ammo bundan unumli foydalana olmayapmiz. G'alaba etishmayapti bizga. Bir o'yinni muvaffaqiyatli o'tkazib olsak, hammasi iziga tushib ketadi deb o'ylayman.