Viktor Jalilov: "Yigitlar bugungi g'alabani Odil Ahmedovga bag'ishlashdi"
20 iyu 2021 22:39
Yangiliklar
![](https://championat.asia/upload/storage/643772_original.jpg)
![](/upload/storage/643772_220.jpg)
Viktor Jalilov: "Yigitlar bugungi g'alabani Odil Ahmedovga bag'ishlashdi"
- "Mashal" jamoasiga qarshi o'ynash hamma jamoalarga qiyin bo'lmoqda. Ularga qarshi shunchaki o'yin o'tkazganimizni eslolmayman. "Mashal"da ishlab, "Navbahor"ga qarshi o'ynaganimizda ham shunday holat kuzatilgandi. Bugun omad biz tomonimizda bo'ldi. O'tgan yili ushbu jamoaga ikkita o'yinni boy bergandik, shu noxush ananani buzganimizdan xursandman. Yigitlarga matonat ko'rsatishgani uchun rahmat aytaman. Abbosjon G'ulomov o'yinning so'nggi daqiqalarini jarohat bilan o'tkazdi. Asosiysi, uchrashuvni g'alaba bilan yakunlashni uddaladik.
- Jismoniy tayyorgarligimizda ijobiy holat kuzatilmoqda. Aniq malumotlarni hozir alohida keltirib o'tmayman. Ivan Solovyov bugungi o'yinga jarohat bilan tushdi. "Nasaf"ga qarshi kechgan o'rtoqlik uchrashuvida uni maydonga tushirmagandik, bugungi o'yinga asragandik. Bugun esa ukol bilan maydonga tushdi, o'ynashni o'zi xohladi. Jamoa 2:0 hisobida oldinda borayotganda, psixologik tomondan hisobni saqlab qolishga intiladi.
- Bugungi raqibimizni yaxshilab o'rgangandik. Videotahlillardan tashqari, statistik malumotlariga ham etibor qaratdik. Bugun raqib uch hujumchi bilan o'ynagan bo'lsada, ulardan kam hujum uyushtirmadik. Hamma gap hujumchining maydonda nechtaligida emas.
- SHuni alohida takidlamoqchimanki, yigitlar bugun g'alaba qozonib, ushbu g'alabani Odil Ahmedovni qo'llab-quvvatlashga bag'ishlashlarini aytishdi. Odilning termamizga yana foydasi tegishi aniq edi, lekin u milliy jamoadagi faoliyatini yakunlaganini bildirdi, - dedi Viktor Jalilov.
O’xshash yangiliklar
![AMP Logo](https://championat.asia/image/logo-amp.png)
Fikrlar