Vetnam U-23 bosh murabbiyi: "O'zbekiston tezkor o'yin namoyish etadi"

Musobaqaning hal qiluvchi final bahsida O'zbekiston va Vetnam terma jamoalari o'zaro bahs olib borishadi. Vetnam terma jamoasi bosh murabbiyi Park Xang Seo ertangi o'yindan oldin shunday dedi:

- "Biz shu paytgacha qanday o'ynab kelgan bo'lsak, finalda ham shu uslubga sodiq qolamiz. Men buni shogirdlarimga ham aytdim. Finalga chiqqanimizni Vetnam ko'chalarida juda ajoyib bayram tarzida nishonlashdi. Buni ko'rib hammamiz xursand bo'ldik".

- "Bu menga ham qattiq tasir qildi. Murabbiy bo'lib ishlayotganimdan faxrlandim. Lekin endi bu faxr tuyg'usi oxirigacha saqlanib qolishi uchun ertaga yutmasak bo'lmaydi. Bizning maqsad - vetnamlik muxlislarni xursand qilish. Raqib haqida gapiradigan bo'lsam, O'zbekiston juda kuchli jamoa. Ular hujumda ham, himoyada ham faol harakat qilishadi. SHuningdek, tezkor o'yin ko'rsatadi".