"Student‘s Cup"ning starti

Dastlabki kun doirasida jami 21 ta uchrashuv o'tkazildi. Unda Oliy o'quv yurtlarida tahsil olayotgan yuzlab talabalar o'z oliygohlari sharafini himoya qilishdi.

 Dastlabki kundan anglashilgani shuki, bizga talabalarni keng miqyosda qamrab oladigan shunday turnirlar juda zarur ekan. Buni o'yinlarga nisbatan qiziqishning yuqoriligi yaqqol ko'rsatib turibdi.

O'z navbatida PFL tashkilotchilik masalasida Superligamizdagi professional klublarga master-klass o'tib berganini ham alohida takidlash kerak. Odatda chempionat bahslariga tashrif buyurar ekansiz arenaga o'zingiz bilan suv olib kira olmaysiz. Stadion ichidagi xizmat ko'rsatish talabga javob bermaydi. "Student‘s Cup"da esa muzqaymoqdan tortib, tamaddi uchun mazali eguliklargacha muhayyo. Tadbirkorlar ham, talabalar ham, ularning muxlis-u muxlisalari ham xursand.

O'yinlar orasidagi tanaffuslar vaqtida iqtidorli didjey katta sahnaga chiqib, barchaga yuqori kayfiyat ulashmoqda.

O'yinlar qizg'in kurash ostida o'tyapti. Ishtirokchi-talabalar bunaqa emociyalarni ancha paytgacha unuta olishmasa kerak.

Bu, ayniqsa, stadion chetida personal muxlisalari turgan yigitlar uchun ajoyib imkoniyat:)

Eng muhimi, hech kim musobaqaga o'tkinchi turnir sifatida qaramayapti. Hattoki, jamoalarning fan-klublari ham. Barchaning maqsadi chempionlik.

Xullas, "Bunyodkor" stadionidagi muhit barchaga yuqori kayfiyat bag'ishlayapti. Tashkilotchilikka gap bo'lishi mumkin emas. Bugun siz ham kelib, hordiq chiqaring.

Faxriddin tayyorladi

Suratlar O'zPFL matbuot xizmatidan olindi