"El Chiringuito" хабарига кўра, франциялик футболчи бу истагини клуб раҳбариятига айтиб қўйган. Айни дамда унинг хизматларига "Манчестер Юнайтед" ва "Ювентус" томонидан қизиқишлар бўлмоқда. Вараннинг трансфер суммаси 100 миллион еврони ташкил қилиши мумкин.
25 ёшли Варан 2011 йилдан буён "Реал" таркибида ҳаракат қилмоқда. Бу мавсумда у жамоа таркибида 35 ўйинда қатнашиб, 2 гол киритди. Унинг шартномаси 2022 йилда якунланади.
