Vali Keldiev: "Nasaf" va "Lokomotiv" bahsida imkoniyat teng"

Butsalarini mixga ilgan Keldiev bugungi kunda "Mashal"ning ikkinchi ligada ishtirok etuvchi jamoasini boshqarmoqda. Bugun Toshkentda o'tadigan "Lokomotiv" - "Nasaf" bahsi oldidan sobiq futbolchining fikrlari bilan o'rtoqlashdik.

- Bilasizmi, bugungi o'yinda biror-bir jamoani alohida ajratib ko'rsata olmayman", - deya o'z fikrini bayon etdi Vali Keldiev. CHunki hozirgi kunda "Nasaf"da ham "Lokomotiv"da ham o'yin va boshqa jihatlar bo'yicha imkoniyat tengdir. Poytaxt jamoasi tarkibida ham mamlakatimizning taniqli va kuchli futbolchilari o'ynamoqda. SHuningdek "Nasaf" safida harakat qilayotgan o'yinchilar saviyasi ham yuqori. SHuning uchun bugungi o'yinda kim yaxshiroq xarakat qilib, g'alaba qozonishni ko'proq istasa o'sha jamoa yutadi, deb o'ylayman.

- "Nasaf" bu yilgi mavsumni barqaror o'tkazmoqda. Bunda jamoa ustozi Ro'ziqul Berdievning xizmati yotibdi deb bilaman. Futbolchilik davrimda Qarshi jamoasida bir-biridan ajoyib bo'lgan mavsumlarni o'tkazganman. Iliq xotiralar qolgan. SHuning uchun ham bugungi o'yinda, "Nasaf" uchun muxlislik qilaman. Taxminimcha bugun ajdarlar kichik hisobda g'alaba qozonsa kerak, yoki durang o'ynaydi.

- Ilgari "Nasaf" tarkibida "Lokomotiv"ga qarshi o'ynaganman. To'g'risi o'sha paytlarda, bu jamoalarning to'qnashuvi hozirgidek, shiddatli ruhda o'tmasdi. CHunki u paytda, temiryo'lchilar oldiga yuqori maqsadlar qo'yilmagandi. Bu yil esa aksincha, jamoa tarkibi kuchaytrilib, vazifa ham shunga monand yuqori bo'lmoqda.

- Turning markaziy o'yini bo'lmish, "Lokomotiv" - "Nasaf" bahsini bugun TVda to'g'ridan to'g'ri olib ko'rsatilsa, yaxshi bo'lardi.

Islombek Rustambekov suhbatlashdi