Vagapov va No'monov "Metallurg" yig'inida ishtirok etmoqda

O'tgan yilgi chempionatda navoiyliklar safida eng ko'p shyin o'tkazgan va maydonda eng ko'p daqiqa to'p surgan Vagapov ayni paytda qadrdon jamoasi “Metallurg” tarkibida tayyorgarlik mashg'ulotlarida ishtirok etayapti.

Vagapov “Qizilqum” safida o'tgan yili 26 o'yinda 2203 daqiqa o'ynagandi. SHu o'rinda 2013 yili Ruslan “Metallurg” tarkibida 22 ta uchrashuvda maydonga chiqib, 1966 daqiqa o'ynaganligini qiyosan eslab o'tish mumkin. Oliy liga yarim himoyachilari orasida mahorati va tezkorligi bilan ajralib turuvchi Vagapov bekobodliklar tarkibini kuchaytirish aniq.
Mavsumga hozirlik ko'rayotgan yangi nomlar orasida shuningdek Ayubxon No'monovning ham borligini aytib o'tish lozim. Ulardan tashqari 2014 yilgi mavsumda yoshlar tarkibida o'zini ko'rsatgan qator futbolchilar ham ikki mahallik mashg'ulotlarda o'zlarini ko'rsatishga urinishayapti. Biroq kimlar bilan shartnoma imzolanadi, buni vaqt ko'rsatadi.
“Metallurg”ning dastlabki yig'ini CHirchiq shahrida 29 dekabrga qadar davom etadi.