Vadim Abramov kechagi o'yin haqida
06 may 2015 17:21
Yangiliklar

Vadim Abramov kechagi o'yin haqida

"Lokomotiv" kecha Osiyo chempionlar ligasining 6-turida maydonga tushdi. Safarda bo'lib o'tgan "Fulad" bilan kechgan bahsda "temiryo'lchilar" 0:1 hisobida yutqazib qo'yishdi.

O'yindan keyingi matbuot anjumanida qatnashgan jamoa bosh murabbiyi Vadim Abramov quyidagi fikrlarni bildirib o'tdi.

O'yin haqida

- Bahsni yaxshi boshladik. Ayniqsa, birinchi taymda ko'plab imkoniyatlarga ega bo'ldik. Biroq raqib darvozasiga to'p kirita olmadik. Ikkinchi taymda esa maydonda biroz teng kurash kechdi. Afsuski, o'yin oxirlarida gol o'tkazib yubordik. 80-daqiqadan keyin raqib ko'proq hujum qildi va buning natijasida to'p kiritishga muvaffaq bo'ldi. Ozgina chidab turganimizda uchrashuv 0:0 hisobida yakuniga etardi.

SHaroitlar haqida

- Bizni yaxshi kutib olishdi. Tashkiliy ishlar ham joyida bo'ldi. Buning uchun "Fulad" futbol klubiga minnatdorchilik bildiraman.

OCHLdagi ishtirok haqida

- Albatta, maqsadimiz guruhdan chiqish edi, ammo ayrim xatolar sabab oxirgi o'rinda qolib ketdik. Lekin bu bilan to'xtab qolmoqchi emasmiz va bundan keyin bor etiborni ichki chempionat hamda O'zbekiston Kubogi bahslariga qaratamiz.

Havola :

Manba : lokomotiv.uz

Yangiliklarni Telegramda o'qing!

Reyting: