So’nggi yangiliklar

07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  0 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  18 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  3 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  33 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  22 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2

Vadim Abramov: "Jaloliddinov qaytadi, muammolar hal bo'lmayapti, raqibga gollarni o'zimiz sovg'a qildik" Yangiliklar

Vadim Abramov: "Jaloliddinov qaytadi, muammolar hal bo'lmayapti, raqibga gollarni o'zimiz sovg'a qildik"

Superliganing 16-turidan o'rin olgan "Bunyodkor" - AGMK (2:3) uchrashuvidan keyin mezbonlar bosh murabbiyi Vadim Abramov o'z fikrlarini bildirdi.




"Bunday bo'lganiga o'zimiz aybdormiz. Mag'lub bo'lgan o'yinimizdan keyin fikr bildirish ham og'ir. O'zi bu mavsum tushunarsiz vaziyatlarda ko'p ochko yo'qotdik. Bu futbol. Bugun vaziyat shunday bo'ldi va mag'lub bo'ldik", - deydi Abramov.

- AGMK so'nggi 20 daqiqada ko'p gol urib g'alabaga erishib ketayotgandi. Raqibning bu jihati o'rganilmaganmidi? Birinchi taymdagi "Bunyodkor" ikkinchi taymda ko'rmadik.

- Raqibga ikkita gol sovg'a qildik. Bundan tashqari AGMK zaxira o'rindig'i uzun, zaxiradan tushayotgan tajribali futbolchilar bunday xatolarni kechirishmaydi. Tashabbusga ega bo'ldik, ammo o'zimizga o'zimiz qiyinchilik tug'dirib hisobda ortda qolaverdik. Qaytaraman, AGMKda zaxiradan tushganlar o'yinni kuchaytirishdi.

- Bizda juda ko'p muammolar bor. O'tgan yildan buyon muammolar bor, haligacha bu narsa hal bo'lgani yo'q.

- Jasur Jaloliddinov "Bunyodkor"ga qaytadimi?

- Reglamentga ko'ra xorijdagi o'zbekistonlik futbolchisi yurtimizga qaytsa, istalgan paytda ro'yxatdan o'tkaza olamiz. Jaloliddinov "Lokomotiv"ga ketishidan agar u erda o'ynay olmasa, bu erga qaytib o'ynashi haqida gaplashib olgandik. Uni ro'yxatdan o'tkazamiz va o'yin amaliyotiga ega bo'ladi.

- "Bunyodkor"ning deyarli har bir chizig'ida o'z akademiyasidan chiqqan futbolchilar o'ynaydi, ammo hujum chizig'ida Erkinovdan boshqa variant yo'qmi?

- Agar bo'lganida o'shani maydonga tushirardik. Agar jamoada barcha yosh futbolchilar bo'lsa qiyin, tajribali o'yinchilar ham bo'lishi kerak. Agar akademiyamizda yaxshi hujumchi bo'lganida uni asosiy tarkibga kiritardim.



- Bahodir Pardaev ikkita o'yindan buyon qaydnomada ham ko'rmayapmiz?

- Futbol shunday narsaki eng kuchlilar o'ynaydi. Pardaev ayni paytda raqobatda yutqazmoqda.

- Anvar G'ofurov nega maydonga tushmadi?

- Uning yoshi ancha katta. Bugungi taktikamizda G'ofurovni o'ynatish noto'g'ri bo'lardi.

- Sovrinli o'rinlar uchun qaysi klublar kurash olib borishadi deb o'ylaysiz?

- AGMK, "Nasaf", "Bunyodkor", "Qo'qon-1912", "Metallurg".

- "Bunyodkor" uchun qaysi biri muhimroq: Superligada sovrinli o'rin olishmi yoki Kubokni qo'lga kiritishmi?

- Biz har bir o'yinda g'alaba uchun maydonga tushadi. Agar qaysidir musobaqaga ko'proq etibor qilsak to'g'ri bo'lmaydi. Tarkibimizda yosh futbolchilar o'ynashmoqda, ular muxlislar uchun harakat qilishmoqda. Yoshlar tajriba to'plashmoqda. Biz har bir raqib bilan kurashamiz va g'alabaga intilamiz. Maqsadimiz Superligada chempion bo'lish va Kubokni qo'lga kiritish. O'ylashimcha 14ta klubning barchasi o'z oldiga shunday vazifa qo'yadi, lekin yakunda bitta klub chempion bo'ladi.

- Eshitishimizga qaraganda moliyaviy muammolar sabab jamoa hatto o'tgan turda Muborakka borishni ham istamagan ekan. Bunday vaziyatda futbolchilarni qanday ruhlantirayapsiz?

- Ha shunday vaziyat bo'lgandi. Odamlarga tushuntirib bo'lmaydigan narsalarni tushuntiryapman. Ruhlantirish uchun so'zlarim ham qolmayapti. Yashayversak ko'raveramiz.

Reyting: +4   

Fikrlar

championat.asia
< so’nggi yangiliklarni ko’rish
Яндекс.Метрика