Vadim Abramov: "G'alaba qozonishimiz kerak edi"

O'yin haqida
- Bugungi uchrashuvga faqat g'alabani ko'zlab kelgandik. Ammo bahs durang natija bilan yakun topdi. O'yin oxirlarida gol urmaganimizda yutqazib qo'yishimiz ham mumkin edi. SHu bois bu haqda bir narsa deya olmayman. O'yinda durang qayd etildi. Endi navbatdagi bellashuvlarni yutishga harakat qilamiz.

Hujumchilar haqida
- Hujumchilarimiz ko'plab vaziyatlarga ega bo'lmoqda. Lekin gol urishga kelganda xatolar bo'lyapti. Bazan omad kelmayapti, bazan hujumchilarda bosiqlik etishmayapti. Masalan, birgina Abduxoliqovning o'zi birinchi taymda uchta yuz foizli imkoniyatdan foydalana olmadi. Balki yozgi tanaffus paytida jamoaga yangi hujumchi taklif etish borasida o'ylab ko'rarmiz. Birinchi davradan keyin nima bo'lishini vaqt ko'rsatadi.

Hakamlik haqida
- Hakam ko'p marta sariq kartochka ko'rsatdi. Nima uchunligini yaxshisi uning o'zidan so'ragan maqul. Men bu borada biror narsa deya olmayman.