Vadim Abramov: "Ertaga 2:6 tasodifligini isbotlashimiz kerak"

"Yaxshi raqib, yaxshi ob-havo. G'alaba uchun kurashamiz. Biz ham futbol o'ynay olishimizni isbotlash uchun so'nggi imkoniyat. 6:2 hisobida yutadigan jamoa kuchli bo'ladi. Ammo bu futbol bunday natijalar uchrab turadi, ertaga yigitlarimiz bor kuchlari bilan o'ynashadi", - deydi Vadim Abramov.

"Ertangi o'yinda muxlislar oldida g'alaba qozonib oldingi o'yinni unutishlari uchun harakat qilamiz", - deydi Sanjar SHoahmedov.


- Jamoa hozir qanday holatda. Terma jamoa azolari qanday holatdalar?
- Oliy ligada g'alaba qozondik. Ammo raqib boshqa boshqa. Terma jamoa azolari haqida biron gap aytish qiyin. Ertangi o'yinda ularni maydonda ko'ramiz.

- "Lokomotiv" OCHLda debyut mavsumini o'tkazmoqda. Balki tajriba etishmayotgandir?
- Bu ham rol o'ynaydi. Ertaga g'alaba kerak. Bitta g'alaba bo'lsa barchasi yaxshi bo'lib ketishi kerak. Ertaga 4:0 hisobida yutishimiz shart emas, maqsadimiz 3 ochko yig'ish.

- "Al Sadd" o'z maydonida kuchli o'ynaydi lekin safarda unday deb bo'lmaydi. Jamoa so'nggi marta 2011 yil musobaqada safarda yutgan ekan. Oxirgi 8ta o'yinda g'alaba qozona olmayapti. Statistika "Lokomotiv"ga yordam berishi mumkinmi?
- Statistika o'z yo'liga. SHunchaki maydonga tushib g'alaba qozonish kerak. 2:6dan so'ng men ham futbolchilar ham o'zlariga kela olmayapti. Ertaga zafar quchib alamni olishimiz kerak. O'tgan bahs tasodif ekanligini isbotlashimiz kerak.

- "Al Sadd" oxirgi 3ta o'yinda 16ta gol urdi. Ularning ko'p gol urishlarining siri nimada deb o'ylaysiz?
- Ular shunchaki futbol o'ynashmoqda. Lekin omad ham ularga kulib boqmoqda. Masalan, maydon markazidan gol urgan futbolchiga 100 marta imkoniyat bering bunday golni qaytib ura olmaydi.

- "Lokomotiv"ga qanchalik moslashib ketdingiz?
- Jamoaga qo'shilib keta oldim. Birinchi marta Osiyo chempionlar ligasida o'ynayapman. Bu ham katta tajriba hisoblanadi.

- Ertaga Salim Mustafoev maydonga tusha olmaydi. Yanichichda ham jarohat bor deb eshitdik...
- Ha Mustafoev ertaga o'ynay olmaydi. Yanichich kecha mashg'ulotlarda ishtirok etdi. Bugun uning holatini tekshirib ko'ramiz. Bundan tashqari Oleg Zoteev mushaklarini cho'zib oldi, katta Jasur Hasanov shamollab qoldi. Ammo yo'qotishlarga doim tayyormiz.


Narzulla Saydullaev