Vadim Abramov: "Babayanning termaga tayinlanishi borasida muxlislar gapirgani maqul"

"O'yin oson"kechgani yo'q, raqibimiz oxirigacha kurashdi. Bazi joylarda qo'polroq o'ynashdi, shu biroz xafa qildi. Birinchi bo'limda barchasini hal qilib qo'ydik. Hakam birinchi bo'limda yaxshi ishladi, ikkinchi bo'limda esa ko'polliklar juda ko'p bo'ldi. Hakam o'z ishini qildi xolos, hech qanday etirozlar yo'q.

"Lokomotiv"ning maqsadi chempion va kubok sohibi bo'lish, buning oxirigacha kurashamiz.

Babayanning terma jamoaga bosh murabbiy etib tayinlangani? O'zbekiston terma jamoasining sobiq ustozi sifatida bu borada hech nima deya olmayman. Buni futbolchilardan, muxlislardan so'rasangiz to'g'riroq bo'ladi.

Halol futbolni buzganlar orasida "Lokomotiv" klubi ham borligini aytishdi. Buni eshitib xayron qoldim.

"Lokomotiv"ning keyingi raqibi "Mashal" bo'ladi. Bilishimcha muborakliklar vodiyga ikkinchi tarkibni yuborishibdi. Bu muxlislarga hurmatsizlik deb o'ylayman. Biroq bu ularning qarori buni hurmat qilaman, - deydi Vadim Abramov.