Umidjon Boqiev: "Zaxiradan tushgan futbolchilar ishonchni oqlashmadi"

- O'yin haqida

- Bugungi bahsga qo'ldan kelgancha tayyorgarlik ko'rgandik. "Qo'qon-1912" Superliga jamoasi ekanligini inobatga olib, bizga qiyin bo'lishini bilardik. Boshida gol o'tkazib yuborib, keyin muvozanatni tikladik. Yakunda mag'lubiyatga uchradik. 

Yigitlar esa ro'za ekanliklariga qaramasdan, astoydil harakat qilishdi. To'g'risi, ikkinchi taymda zaxiradan tushgan futbolchilar ishonchni oqlashmadi. Ular ozgina yoshlik qilishdi. 

- Jamoa oldiga qo'yilgan maqsad qanaqa? Pro ligaga chiqish uchun harakat qilasizlarmi?

- Maqsadimiz - har bir o'yinda g'alaba qozonish. Birinchi ligada kuchli 3 likka kirish vazifasi qo'yilgan. Ko'ramiz, vaqt ko'rsatadi. Pro ligaga chiqishga harakat qilamiz, hammasi o'z qo'limizda. 

- Farg'onada 19 va 20 yoshli iqtidorli futbolchilar ko'p. Selekciya ishlarini davom ettiryapsizlarmi?

- Ha, albatta. Ko'rib turganingizdek, Oqil Mahmudov va Mo'ydin Mamazulumovdan tashqari qolgan futbolchilar selekciya orqali jalb qilingan va jamoa shakllantirilgan. Maqsadimiz – yosh futbolchilarni tarbiyalab, Pro liga va Superliga jamoalariga tayyorlab berish.