Umid Ahmadjonov FIFA gala-oqshomida jahon futboli namoyandalari bilan uchrashdi
24 okt 2017 13:23
Yangiliklar

Umid Ahmadjonov FIFA gala-oqshomida jahon futboli namoyandalari bilan uchrashdi

O'zbekiston Futbol Federaciyasi Prezidenti Umid Ahmadjonov va Ijroiya Qo'mitasining azosi Bobur SHodiev FIFA Prezidenti Janni Infantinoning taklifiga ko'ra rasmiy tashrif bilan Angliyada bo'ldi.

Angliyaga tashrifi davomida O'FF Prezidenti dunyoning bir qator futbol federaciyalarining rahbarlari va delegaciyasi azolari bilan uchrashib, o'zaro fikr almashdi.

Tashrif doirasida Umid Ahmadjonov va Bobur SHodiev kecha, 23 oktyabr kuni London shahridagi “Palladium” teatrida bo'lib o'tgan FIFAning yil yakunlariga bag'ishlangan ananaviy gala-oqshomi – “The Best FIFA Football Awards 2017” tantanali taqdirlash marosimida ishtirok etishdi.

Tadbir davomida O'FF Prezidenti Umid Ahmadjonov va Ijroiya Qo'mitasi azosi Bobur SHodiev jahon futboli namoyandalari va afsonalari – Diego Maradona, Ronaldo, Lionel Messi, Olive Jiru, shuningdek, “Real Madrid” prezidenti Florentino Peres, italiyalik mutaxassis Karlo Anchelotti bilan uchrashdi.