Umid Ahmadjonov Dubayda AQSH, Kanada va Meksika futbol federaciyalari rahbarlari bilan ko'rishdi
04 may 2018 20:50
Yangiliklar

Umid Ahmadjonov Dubayda AQSH, Kanada va Meksika futbol federaciyalari rahbarlari bilan ko'rishdi

O'zbekiston milliy olimpiya qo'mitasi prezidenti va O'zbekiston futbol associaciyasi 1-vice-prezidenti Umid Ahmadjonov OFK prezidenti SHayx Salmon bin Ibrohim al-Xalifa taklifiga ko'ra Osiyo Kubogi – 2019 musobaqasiga qura tashlash marosimida qatnashish uchun Dubayga yo'l olgani haqida avval xabar berib o'tgandik.

Umid Ahmadjonov Dubayda Osiyo velosport konfederaciyasi prezidenti, shuningdek, BAA milliy olimpiya qo'mitasi prezidenti bilan uchrashib, o'zaro hamkorlik masalalari bo'yicha kelishuvga erishdi.

Bugun Umid Ahmadjonov Dubayda KONKAKAF vakillari AQSH, Kanada va Meksika futbol federaciyalari prezidentlari bilan ko'rishdi. Jumladan, AQSH futbol federaciyasi prezidenti Karlos Kardeyro, Meksika futbol federaciyasi prezidenti Desio de Mariya Serrano va Kanada futbol federaciyasi prezidentlari bilan suhbat chog'ida futbol rivoji yo'lida o'zaro tajriba almashish, bolalar va ommaviy futbol bo'yicha mutaxassislarni jalb qilish, marketing va homiylarni jalb qilish masalalarida hamkorlik bo'yicha o'zaro fikr almashildi.

O'z o'rnida shuni takidlab o'tish kerakki, AQSH, Kanada va Meksika tarixda birinchi marta 2026 yilga Jahon chempionati qo'shmezbonligi uchun davogarlik qilmoqda. SHu jihatdan olib qaraydigan bo'lsak, KONKAKAF vakillari uchun Osiyoda o'z o'rniga ega bo'lgan O'zbekiston futbol associaciyasi bilan hamkorlik qilish o'zaro manfaatli hisoblanadi.