Umar Adhamzoda: "Navbahor" bilan o'yinda "Neftchi" g'alabaga haqli edi"

 "Navbahor" tarkibida Oston O'runov, Jamshid Iskanderov kabi ijrochilar bo'lishiga qaramay maydon egalari imkoniyat qoldirishgani yo'q. Ayniqsa Umar Adhamzoda Oston O'runovning erkin harakat qilishiga yo'l qo'ymadi va yakunda u saytimiz tomonidan tur ramziy terma jamoasiga loyiq ko'rildi. 

Neftchi

Superliga. 13-tur 25/06/2023, 20:00 0 : 0 Tugadi

Navbahor

45'

90'

46'  Mirzohid G’ofurov (Abbos G'ulomov)

77'  Lutfulla To’rayev (Ulug'bek Hoshimov)

90'  Anvar G’ofurov

65'  Oston O'runov (ZHasur YAxshiboev)

66'  Davron Hoshimov

73'  Luka CHermel (Milosh Milovich)

73'  Abror Ismoilov (Asadbek Sobirzhonov)

84'  Temurxo’ja Abduxoliqov (Shohruz Norxonov)

85'  ZHasur YAxshiboev

Match-senterda ochish

- "Navbahor" bilan uchrashuv haqida?

- Vodiy derbisi o'z nomiga yarasha o'tdi, deya olaman. Jamoalar, muxlislar zerikib qolishmadi. Vaziyatlarga boy o'tdi. Kurash ham etarlicha edi. Fikrimcha, "Neftchi" g'alabaga haqli o'yin ko'rsatdi. 

-  SHu kuni Oston O'runovga hech qanday imkoniyat qoldirmadingiz. Bu personal o'ynash topshirig'imi yoki Oston O'runovni shaxsan o'zingiz ham o'rgandingizmi?

- Personal o'ynadim demagan bo'lardim. Har bir futbolchi o'z poziciyasidagi futbolchilarni tahlil qilib chiqadi, kuchli va kuchsiz tomonlarini o'rganadi. Xuddi shunday men ham. Oston O'runovning harakatlarini ko'rib chiqqandim. 

- "Neftchi"da duranglar ko'p bo'lyapti. 1 ochko jamoani qoniqtiryaptimi?

- To'g'ri durang ko'p o'ynamoqdamiz. Lekin mag'lubiyatga uchragandan ko'ra 1 ochko yaxshiroq.  

- O'tgan yili "Neftchi" "Nasaf"ni chempionlik poygasidan chiqarib yuborgandi. Bu safar nima kutish mumkin?

- Qarshida ajoyib g'alabaga erishgandik. Birinchi davrani mag'lubiyatsiz yakunlashimiz uchun "Nasaf"ni yutishimiz shart. Tanaffusga g'alaba kayfiyatida chiqib ketishni istaymiz. O'ylaymanki, muxlislarni xursand qila olamiz.

Abdulaziz Iskandarov suhbatlashdi