Ulug'bek Baqoev: “Metallurg” o'z mavqeini tiklab oladi"
30 apr 2017 17:29
Yangiliklar

Ulug'bek Baqoev: “Metallurg” o'z mavqeini tiklab oladi"

“Metallurg” – “Buxoro” jamoalari uchrashuvidan keyin o'tkazilgan matbuot anjumanining birinchi qismida mehmonlar bosh murabbiyi o'yin haqidagi o'z fikrlarini bildirib o'tdi.

Ulug'bek Baqoev, “Buxoro” FK bosh murabbiyi: - “Metallurg” hamisha shiddatli o'yinlari bilan raqiblariga etarlicha tashvish tug'dirib kelgan. SHu boisdan ham biz bekobodliklarning bu yilgi o'yinlarini yaxshilab o'rgandik hamda Bekobodga puxta tayyorgarlik bilan keldik. Mehnatlarimiz samarasiz ketmadi. O'ylaymanki, ishonarli g'alabaga erishdik. Bu yutuq bilan “Buxoro”ning barcha muxlislarini tabriklayman. Futbol shunday jarayonki, u bir joyda to'xtab turmaydi. Hamisha izlanishni, tinimsiz mehnatni talab etadi. Uchrashuvda futbolchilar bor kuch va mahoratlarini ishga solishsa, ishtiyoq yuqori bo'lsa, o'shanda natija ham kelaveradi. Mening nazarimda “Metallurg” egallab turgan o'rin ularga mos emas, bekobodliklar omadsizlik yo'lagidan chiqib keta olmayapti. Ishonamanki, jamoa hali o'z o'yinlarini, ochkolarini topadi va mavqeini tiklaydi.

"Metallurg" matbuot xizmati

Havola :

Manba : championat.asia

Yangiliklarni Telegramda o'qing!

Reyting: +11