Ulug'bek Baqoev: "Buxoro"da qolamanmi? SHartnomam yil yakunida tugaydi..."
08 noy 2017 18:47
Yangiliklar

Ulug'bek Baqoev: "Buxoro"da qolamanmi? SHartnomam yil yakunida tugaydi..."

"Buxoro" bosh murabbiyi Ulug'bek Baqoev "Lokomotiv"ga qarshi kechgan uchrashuvdan keyin o'yin haqidagi fikrlari bilan o'rtoqlashdi.

- To'g'risini aytsam, birinchi bo'limning dastlabki 15 daqiqasida nima ruy berganini tushunmadim. "Lokomotiv" haqli tarzda g'alaba qozondi. Ularni bu bilan tabriklayman. Ikkinchi taymda esa o'yin teng kurashlar ostida kechdi.
Darvozabon? Ikkita goldan keyin Tursunboev ruhan sindi va shu boisdan uni almashtirishga qaror qildim.

Bugun himoyadan o'yin tashkil qildik. CHunki "Lokomotiv" yuqori salohiyatli jamoa. Hozirgi kunda biz "Loko"ga qarshi hujumkor futbol o'ynashga tayyor emasmiz. Ayni paytda kuch jihatdan ular bizdan ustun.

Kelajak haqida hali o'ylab ko'rganim yo'q. Mavsum tugagach bu haqda o'ylab ko'ramiz. Jamoada qolamanmi? Bilmadim. SHartnomam yil yakunida nihoyasiga etadi. Klub rahbariyati bilan bu borada gaplashib olamiz.

CHempionatda kim ikkinchi o'rinni egallaydi? Siz meni taxminimni bilmoqchimisiz? To'g'risi, men ikkinchi o'rin uchun kurashdagi raqobat haqida fikr bildirgim kelmayapti.

Menga qaysi hujumchilar yoqadi? Igor Sergeev men yoqtirgan hujumchilar sirasiga kiradi. U nafaqat gollar uradi, balki maydonda keng ko'lamdagi ishni bajaradi. SHuningdek, Bahodir Nasimov ham yaxshi hujumchi.