Ulug'bek Baqoev - "Avtobus" himoya, Sahob Rashidov va hakamlar haqida

"Ikkita g'alabadan keyin qoniqarsiz natija qayd etdik. Barcha o'yinni yutib bo'lmaydi. Hakam hushtagi chalinguniga qadar o'ynash kerak. Barcha yigitlarga o'yin uchun rahmat, keyingi o'yinlarga tayyorgarlikni boshlaymiz", - deydi Ulug'bek Baqoev.

- "So'g'diyona" himoyada ancha tartibli o'ynamoqda. Jamoa himoyasida "avtobus" borligi haqida fikrlar bor. Bunga qanday qaraysiz?
- Bugun "avtobus" bo'lmadiku, ikki hujumchi bilan o'ynadik. SHunchaki gol urganimizdan keyin himoyaga ko'proq etibor qildik va bir hujumchi bilan harakat qildik. Bugun himoyadan o'ynashga majbur qiladigan raqib bilan o'ynamadik.

- Hakamlarga etirozingiz bormi?
- Yo'q. SHunchaki o'yin paytida ehtiroslar jumbushga keladi. Hakamlarga bugungi o'yin uchun rahmat.

- Sahob Rashidov haqida qanday fikrdasiz, qachon uni asosiy tarkib hujumchisi sifatida ko'ramiz?
- (kuladi) O'tgan yil uni maydonga tushirganimda nega uni tushirayapsiz deb so'rashgandi. Endi nega tushirmayapsiz deyapsiz. Vaqti kelsa barcha yoshlarni maydonga tushiramiz. Uni kuzatib borayapman, Sahob U-21 Birinchiligida 8 yoki 9ta gol urdi. Nafaqat unga, boshqa yoshlarga hali imkoniyat beramiz.

- Zaxiradan maydonga tushgan o'yinchilar o'yinni kuchaytirishdimi?
- Albatta. Biz darhol gol urdik, o'yin jonlandi. SHunchaki o'yin oxirida konsentraciyani yo'qotib qo'ydik. Futbolchilarga etirozim yo'q, bu futbol. Raqib chiroyli gol urdi.