U-21 birinchiligi. "Qo'qon-1912" kichik derbida g'olib bo'ldi
30 mar 2019 21:12
Yangiliklar

U-21 birinchiligi. "Qo'qon-1912" kichik derbida g'olib bo'ldi

U-21 birinchiligi 2-turida "Qo'qon-1912" o'z maydonida "Andijon"ni qabul qildi.

Kichik “derbi” teng kurashlar ostida boshlandi. Har ikki jamoa azolari ilk daqiqalardan tashabbusga ega bo'lishga intilishdi.

Vaqt o'tishi bilan tomonlarni hujumlari xavfli ko'rinish oldi. 33-daqiqada Dilshod Samiqov raqib darvozasini aniq nishonga olib hisobni ochdi. Ushbu vaziyatda mezbonlar vakili raqib posboni bilan birga-bir vaziyatga chiqib, hujumni gol bilan yakunladi. Birinchi bo'lim shu hisobda yakuniga etdi.

Ikkinchi bo'limni ham qo'qonlik futbolchilar shiddatli hujumlar bilan boshlashdi. 63-daqiqada mehmonlar hisobni tenglashtirish uchun yaxshi imkoniyatga ega bo'lishdi. Ushbu vaziyatda Sarvar Karimov mahorat ko'rsatdi. Bo'lim o'rtalariga kelib usutunlik mehmonlar tomoniga o'tdi. Andijonliklar hisobni tenglashtirish uchun katta kuch bilan hujumga zo'r berishdi. Qo'qonliklar esa himoyada ishonchli o'ynashdi. Ayniqsa, Jasur Yoqubov ishonchli harakatlari bilan raqib hujumlarini qaytarib turdi.

So'nggi daqiqalarda har ikki jamoa vakillari ketma-ket hujumlar uyushtirishganiga qaramay, o'yin oxiriga qadar hisob o'zgarmadi. SHu tariqa, "Qo'qon-1912" yoshlari kichik “derbi”da g'alaba qozonishdi.

U-21 Birinchiligi
2 - tur
"Qo'qon-1912" - "Andijon" – 1:0 (1:0)
Hakamlar: G'ayrat Jo'raev, SHoxrux Azamov, Ravshan Kopadze,Olim To'ychiboev.
Nazoratchi: Baxtiyor Namozov.
Gol: Dilshod Samiqov – 33.
“Qo'qon-1912”: 25. Sarvar Karimov, 4. Bekzod Karimov, 7. Ayubxon Abdurahimov, 9. Ramz Isaqov, 14. Avaz Mamatxo'jaev, 19. Dilshod Samiqov, 55. Abdullox Mirkomilov, 65. Jasur Yoqubov, 78. Abror Usmonov, 79. Barhayot Saidahmadjonov, 96. Umid Muhammadaliev.
Zaxira: 12. Muhammadali Sobirov, 11. Ibrohim Muxtorov, 17. Ibrohim Usmonov, 38. SHahzod Mamurjonov, 70. Rustem Asanov, 97. Otabek Qodirov.
“Andijon”: 30. Akmal Ortiqov, 5. Sardor Marufjonov, 7. Dilmurod Abduqahhorov, 10. Usmonali Ismonaliev, 11. Po'lat SHarifov, 14. Timur Ismoilov, 17. Farhod Sohibjonov,18. Mashhur Mirzaev, 19. Jamshid Hamidov, 21. Rustam Quchqorov, 33. Doniyor Abdumanopov.
Zaxira: 32. Javohir Qilichev, 2. Abdullo Abdulazizov, 6. Muhammadkarim Toirov, 8. Abduxalil Abdurahimov, 9. Asil Azizov, 22. Muhammad Ibrohimov, 77. Bekzod G'aniev.