U-20 JCH: O'zbekiston – Gonduras: Prevyu

Kraystcherch shahrida bo'lib o'tadigan uchrashuvda Ravshan Haydarov shogirdlari Gonduras terma jamoasiga qarshi maydonga tushishadi. Ushbu uchrashuv O'zbekiston yoshlar terma jamoasi uchun U-20 yoshlar o'rtasidagi Jahon chempionatlarida hisob bo'yicha 12-uchrashuv bo'ladi. O'zbekiston yoshlar terma jamoasi bungacha 3 marotaba ushbu yosh toifasidagi Jahon chempionatlarida ishtirok etgan. Bungacha terma jamoa 2003 va 2009 yilgi Jahon chempionatlarida guruh bosqichida o'z ishtirokini yakunlagan bo'lsa, 2013 yilda Turkiyada bo'lib o'tgan mundialda O'zbekiston yoshlar terma jamoasi chorak finalga yo'l olgan edi.

O'zbekiston yoshlar terma jamoasi Jahon chempionati bahslarida Gonduras bilan ilk marotaba kuch sinashadi. Bungacha 2013 yili BAAda bo'lib o'tgan U-17 o'smirlar o'rtasidagi Jahon chempionatida ikkala terma jamoa musobaqaning nimchorak finalda kuch sinashgan va unda Gonduras kichik hisobda g'alaba qozongan edi.

Gonduras terma jamoasi esa, U-20 yosh toifasidagi Jahon chempionatlarida bungacha 5 marotaba ishtirok etishganva ularning barchasida guruh bosqichida ishtirokini yakunlashgan.

Eslatib o'tamiz, kecha F guruhida ishtirok etadigan terma jamoalar bosh murabbiylari va futbolchilar ishtirokida matbuot anjumani bo'lib o'tdi. Unda O'zbekiston yoshlar terma jamoasi bosh murabbiyi Ravshan Haydarov hamda terma jamoa hujumchisi Zabihillo O'rinboevlar ishtirok etishdi.

U-20 yoshlar o'rtasida Jahon CHempionati.

1 iyun. Kraystcherch, Yangi Zelandiya.

"F" guruhi, 1-tur. (Toshkent vaqti bilan 09:00)

O'zbekiston U-20 – Gonduras U-20