U-19 Osiyo chempionati tufayli Superliganing 4ta uchrashuvi joyi o'zgaradi
04 iyu 2020 14:58
Yangiliklar

U-19 Osiyo chempionati tufayli Superliganing 4ta uchrashuvi joyi o'zgaradi

Oktyabr oyida O'zbekistonda U-19 Osiyo chempionati bo'lib o'tishi rejalashtirilgan.

Ushbu musobaqa o'yinlari "Bunyodkor", "Navbahor", "Lokomotiv" va OKMK stadionlarida bo'lib o'tishi kutilmoqda. SHu bois oktyabr oyida mazkur stadionlarda o'tishi rejalashtirilgan Superliga bahslari oldinroqqa ko'chiriladi.

5-tur doirasidagi "Paxtakor" - "Bunyodkor" uchrashuvi "Bunyodkor" stadionida, 18-tur doirasidagi "Bunyodkor" - "Paxtakor" uchrashuvi esa "Paxtakor" stadionida o'tadi.

6-tur doirasidagi "Metallurg" - "Navbahor" uchrashuvi "Navbahor" stadionida, 19-tur doirasidagi "Navbahor" - "Metallurg" uchrashuvi esa "Metallurg" stadionida o'tadi.

6-tur doirasidagi "Mashal" - AGMK uchrashuvi OKMK stadionida, 19-tur doirasidagi AGMK - "Mashal" uchrashuvi esa Bahrom Vafoev nomidagi stadionda o'tadi.

7-tur doirasidagi "Andijon" - "Bunyodkor" uchrashuvi "Bunyodkor" stadionida, 20-tur doirasidagi "Bunyodkor" - "Andijon" uchrashuvi esa "Sog'lom Avlod" stadionida o'tadi.

SHu tariqa "Bunyodkor", "Navbahor", OKMK stadionlarida U-19 Osiyo chempionati vaqtida Superliga bahslari bo'lmaydi.