U-19 Osiyo chempionati. O'zbekiston ketma-ket beshinchi bor chorak finalga chiqdi
19 okt 2016 14:33
Yangiliklar

U-19 Osiyo chempionati. O'zbekiston ketma-ket beshinchi bor chorak finalga chiqdi

Teglar : O'zbekiston U-19 U-19 Osiyo chempionati

Kecha Bahraynda o'tayotgan yoshlar o'rtasidagi Osiyo chempionatining 2-turida O'zbekiston terma jamoasi Avstraliyani 3:2 hisobida mag'lub etdi.

SHu tariqa, Jasur Abduraimov boshchiligidagi jamoa muddatdan avval guruhda birinchi o'rinni va chorak final yo'llanmasini naqd qildi.

O'zbekiston yoshlar terma jamoasi ketma-ket beshinchi bor qita chempionatida chorak finalga chiqishga erishdi.

2008 yilda Ahmad Ubaydullaev boshchiligidagi yoshlarimiz Saudiya Arabistonida o'tgan chempionatda finalga qadar etib borib BAAga yutqazib qo'yishgandi.

2010 yilda Marat Kabaev murabbiyligidagi O'zbekiston guruh bosqichida yuz foizli natijaga erishgandi. Biroq chorak finalda Saudiya Arabistoniga 1:2 hisobida imkoniyat boy berilgan.

2012 yil Ahmadjon Musaev boshchiligidagi jamoa BAAdagi musobaqada yarim finalga qadar etib borib Janubiy Koreyaga yutqazib qo'ygandi.

2014 yilda Myanma davlatida tashkil etilgan U-19 Osiyo chempionatida O'zbekistonga Ravshan Haydarov ustozlik qilgan. Bu safar ham jamoamiz yarim finalga qadar etib borgan. Yoshlarimizni final ostonasida KXDR mag'lub etgandi.

Bu yil Jasur Abduraimov boshchiligidagi O'zbekiston yoshlar terma jamoasi guruh bosqichidagi dastlabki ikki o'yinda Tojikiston va Avstraliyani mag'lub etib muddatdan avval guruhdan chiqish vazifasini uddalashdi. Yoshlarimiz chorak finalda Yaponiya, Qatar yoki Eron bilan o'ynashadi. CHorak finalda g'olib bo'lgan jamoa keyingi yil Janubiy Koreyada o'tadigan U-20 Jahon chempionatiga yo'llanmani qo'lga kiritadi.

Havola :

Manba : championat.asia

Yangiliklarni Telegramda o'qing!

Reyting: +19