U-16 o'smirlar o'rtasidagi Osiyo CHempionati: Termamiz bosib o'tgan yo'l

Temur Olimxo'jaev iyun oyi oxirlarida istefoga chiqarilgani malum qilinib, uning o'rnini Aleksandr Mochinov egalladi. Olimxo'jaev hozir 2000 yilda tavallud topgan futbolchilardan iborat terma jamoani boshqarmoqda. Mochinov esa 2 oydan ortiqroq vaqt davomida jamoani qita chempionati final bosqichiga tayyorladi.



Caralash bahslarida o'smirlarimiz Olimxo'jaev qo'l ostida Toshkentda o'tgan yilning sentyabr oyida Falastin va Yaman termalariga qarshi maydonga tushishgandi. Falastinni 9:0 hisobida dog'da qoldirgan jamoamiz Yamandan 4:0 hisobida ustun kelib, final bosqichi yo'llanmasini ikki yirik g'alaba orqali hal etishgandi.

Saralash bosqichi
27 sentyabr
Falastin – O'zbekiston – 0:9
Gollar: Murtazoev 4, Ko'chimov 7, 26-pen, Nurulloev 50, Nurmatov 52, 77, Qurbonov 67, G'aniev 83-pen, 90+2.

29 sentyabr
O'zbekiston – Yaman – 4:0
Gollar: Ko'chimov 11, 52, Jumaev 58, Mahmudxo'jaev 90+5.



O'FF va “Terma jamoalar markazi” 2014 yilning boshidan buyon o'smirlarimizning ushbu jamoasiga imkon qadar yaxshi sharoitlarni yaratib berishga harakat qildi. Ko'plab yig'inlar doirasida o'rtoqlik va nazorat uchrashuvlari tashkil etildi. CHunki bunday yoshdagi futbolchilar ruhiy jihatdan barqaror bo'lishmaydi va ularni malum sharoitga moslab tayyorlash zarurdir. Uyda ham, xorijda ham bir qator terma jamoalar bilan o'tkazilgan nazorat bellashuvlarida o'yin uslubini shakllantirish, o'yinchilarda xalqaro tajribani o'stirishga intilishdi.

O'smirlar terma jamoasi uchun, ayniqsa, Ozarbayjondagi Kaspiy Kubogi, BAA va Turkiyadagi yig'inlar, yurtimizda Ummonga qarshi o'tkazilgan bahslar foydali bo'ldi. O'sha uchrashuvlarda bosh murabbiy futbolchilarning jiddiy sinovlarga qanchalik tayyor ekanligini tekshirib oldi. Yurtimizdagi oxirgi yig'in chog'ida esa Paxtakor va Bunyodkor yoshlar tarkiblariga qarshi bellashuvlar o'tkazildi. O'sha uchrashuvlar va yig'inlar qanchalik samara berishini rasmiy o'yinlar ko'rsatib beradi. Guruhimizdan yaxshi saviyadagi raqiblar o'rin olishgan. Ularga qarshi o'yinlar oson o'tmasligi tabiiy. Lekin jahon chempionatiga chiqish vazifasi qo'yilgan ekan, shunga yarasha futbol namoyish etish lozim.



Mart, Turkiya
O'zbekiston – “Zenit” – 3:0
O'zbekiston – “Kepes” – 4:0

Aprel, BAA
O'zbekiston – BAA – 0:2
O'zbekiston – BAA – 1:2

May, Ozarbayjon
O'zbekiston – Qozog'iston – 8:1
O'zbekiston – Turkiya – 0:2
O'zbekiston – Yaponiya – 2:2 (penaltilardan 3:5)
O'zbekiston – Qirg'iziston – 0:1

Iyul, Toshkent-Turkiya
O'zbekiston – Ummon – 2:0
O'zbekiston – Ummon - 1:2
O'zbekiston – Saudiya Arabistoni – 0:3
O'zbekiston – Qatar – 1:1
O'zbekiston – Iordaniya – 0:3
O'zbekiston – “Istanbulspor” – 7:1

Avgust, Toshkent-Malayziya
O'zbekiston – “Bunyodkor” (o'smirlar) – 3:0
O'zbekiston – “Paxtakor-2” – 1:3
O'zbekiston - “Bunyodkor-2” – 0:1
O'zbekiston – “Bunyodkor-2” – 1:2
O'zbekiston – Malayziya (yoshlar) – 0:4

Terma jamoamizning 2014 yildagi barcha o'yinlari haqida malumot etiboringizga havola etilmoqda. U oz bo'lsa-da, jamoa to'g'risida xulosa chiqarishga imkoniyat beradi.


Behzod NAZAROV.