"Turon"ning "bo'ron"i "temiryo'lchilar"ni manzilidan to'xtatishga urinib ko'radi

"Lokomotiv" joriy mavsum Coca Cola Superligasida 12-o'rinni, "Turon" esa Pro ligada 3-pog'onani egallagan holda o'tish o'yinida ishtirok etish huquqini qo'lga kiritdi.

O'zaro o'yinlar

Ikkala jamoaning o'zaro qarama-qarshiligini sanash uchun bitta qo'limiz etarli sanalardi. O'tkazilgan besh uchrashuv davomida toshkentliklar uch marotaba kayfiyatlarini chog' qilishgan bo'lsa, yana ikki bahsda do'stlikni qoniqtiradigan hisob qayd etilgan. Jami to'qnashuvlarning ikkitasi nazorat o'yiniga to'g'ri keladi. SHu jumladan, oxirgi o'yin zarvaraqlariga nazar soladigan bo'lsak, 16 iyul sanasida "Lokomotiv" stadionida kechgan o'rtoqlik o'yinida mezbonlar 2:1 hisobida zafar quchishgan. Islom Qobilov va Nurmuhammad Toshpo'latovning goliga vodiyliklardan Azamjon Aliev javob qaytargandi.

So'nggi o'yinlar 

"Lokomotiv" oxirgi turlarda ijobiy natija qayd etib, to'g'ridan-to'g'ri Pro ligaga sho'ng'ishdan qutulib qoldi. Jumladan, Coca Cola Superligasining so'nggi ikki turida Denis Korostichenko 4 ochko jamg'ardi. "Turon" esa, aksincha, 2-o'rin o'zaro kurashda "Buxoro"ga imkoniyatni boy berdi hamda pley-off uchrashuvini o'ziga tortiq qilib oldi. SHunga qaramay, yaypanliklar oxirgi 3 o'yinda muxlislarini quvontiradigan natija qayd etgan holda 8 ta gol urib, darvozasidan atigi 1 ta gol o'tkazib yubordi.

Hakamlar

Mazkur bahsni Asker Najafaliev boshchiligidagi hakamlar brigadasi boshqarib boradi. Najafaliev joriy mavsum "Lokomotiv"ning "So'g'diyona" (0:1) va "Bunyodkor" (0:0)ga qarshi uchrashuvlarida ishlagan, "Turon" ishtirokidagi uchrashuvni esa ilk bor boshqarib boradi.

Oqil Abdubarnoev