Turning markaziy o'yini: "Neftchi" - "Nasaf". Imkoniyatlar qanday?

Keling, bir boshidan tur o'yinlaridagi imkoniyatlarni chamalab chiqsak.

"Mashal" ustidan qozonilgan g'alabadan keyin "Dinamo" bilan bo'lib o'tadigan o'yin "qaldirg'ochlar" uchun o'ta muhim. Boisi ular keyingi turda "Paxtakor" mehmoni bo'ladilar va ruhiy bosimga tushmaslik uchun ham "Bunyodkor" bugun g'alaba qozonishga harakat qiladi. "Bunyodkor" kabi Rashidov ham yana ko'zga tashlana boshladi. Qolaversa, Javlon Ibrohimov safga qaytgan. Lekin "Dinamo"ni ham so'nggi turda ishonchli g'alabani qo'lga kiritganligini yoddan ko'tarmaslik kerak. Aziz Ibragimov maydonni gol bilan tark etishga odatlanib bo'ldi.



"Bunyodkor" (Toshkent) - "Dinamo" (Samarqand)
Bosh hakam: Zokir Qodirov (Navoiy)
Qanot hakamlari: Andrey Snetkov (Yangiyo'l), Sanjar SHoyusupov (Toshkent)
Zahira hakami: Elyor Tursunov (Buxoro)
Hakamlar nazoratchisi: Artyom Arutyunov (Toshkent)
Uchrashuv komissari: Farhod Magametov (Toshkent)

Imkoniyatlar: 55:45%


Karpenkoning ikkinchi yoshligi qaytayotgan ko'rinadi. O'z paytida Muxtor Qurbonov ham "Traktor" safida yoshi katta bo'lsada, No'mon Hasanov bilan jamoaning bir qator g'alabalariga o'zining munosib ulushini qo'sha olgan edi. Faqat Taran o'yinga to'liq kirishib keta olmayapti. Avvallari Taranni jamoada tutgan o'rni katta bo'lar edi.
"Buxoro" esa bugun yangi murabbiy qo'l ostida maydonga chiqadi. Oxir oqibat Mochinov ishdan olindi. "Buxoro"ning keyingi taqdirini kuzatamiz.



"SHo'rtan" (G'uzor) - "Buxoro" (Buxoro)
Hakamlar: R. Bobomuradov (Navoiy), R. Samandarov (Navoiy), O. Jumaev (Navoiy), A. Rubakov (Toshkent)
Nazoratchi: S. Ermatov (Toshkent).
O'zPFL vakili: V. SHtern

Imkoniyatlar: 55:45%


"Qizilqum"ni safar o'yinlarida ham ochko olishni boshlaganligini inobatga olsak "Mashal"ga oson bo'lmaydi. Lekin bu o'yin "Mashal"ga, so'nggi turdagi yirik hisobdagi mag'lubiyat tasodif ekanligini muxlislarga isbotlab berish uchun yaxshi imkoniyat. "Bunyodkor"ga qarshi o'yinda muborakliklar himoya chizig'ining markaziga nima bo'lganligini video takrorlarni bir necha bora ko'rsakda echim topa olmadik.



"Mashal" (Muborak) - "Qizilqum" (Navoiy)
Hakamlar: X. Ro'ziev (Toshkent), A. Capenko (Toshkent vil.), V. Lushin (Guliston), O. To'ychiboev (Toshkent)
Nazoratchi: G. Imamov (Toshkent).
O'zPFL vakili: R. CHernikov.

Imkoniyatlar: 50:50%


7 va 8-turlarda Davron Fayziev jamoasi bilan o'ta kerakli olti ochkoni qo'lga kirita olgandi. Bugun esa jamoa oldida yana bir katta sinov, "Paxtakor"ga qarshi imtihon topshiriladi. "So'g'diyona" bugungi moliyaviy holatidan kelib chiqqan holda ikkinchi davra oldidan "Buxoro"da uzoqlashib olishi kerak bo'ladi. Boisi, "Buxoro"da pul bilan muammo yo'q va ular ikkinchi davrada o'z saflarini kuchaytirib xavfli zonada uzoqlashib ola biladilar. Ammo mana ikki yildirki, jizzaxliklar qiynalib kelyaptilar. "Paxtakor" esa aynan shu turdan keyinoq turnir jadvalida peshqadamlikni qo'lga olish uchun yaxshi imkoniyatga ega.



"So'g'diyona" (Jizzax) - "Paxtakor" (Toshkent)
Hakamlar: A. Asimov (Toshkent), R. SHoyaxmetov (Toshkent), R. Serazetdinov (Toshkent), D. Karimov (Toshkent)
Nazoratchi: D. Roman (Toshkent).
O'zPFL vvakili: A. Frolov.

Imkoniyatlar: 45:55%


Bu o'yinda imkoniyatlar teppa - teng! G'alaba qozongan jamoa turnir jadvalida bir-biriga nisbatan ustunlikka ega bo'ladi. "Neftchi" uch ochko ishlasa o'z o'rnida qoladi, "Nasaf" esa to'plar nisbatiga ko'ra birinchi o'ringa ko'tarilib olishi mumkin. Sadiov va Gevorkyan, Po'latov va Karimov, CHeremisin va Suyunov to'qnashuvi "Istiqlol" stadionini larzaga keltirsa ajab emas. Bitta "tur" dam olgan Maxsitaliev yana maydonga qaytadi. "Nasaf"da yo'qotishlar yo'q.



"Neftchi" (Farg'ona) - "Nasaf" (Qarshi)
Hakamlar: R. Ermatov (Toshkent), A. Rasulov (Toshkent), D. Saidov (Toshkent), I. Garmashov (Toshkent)
Nazoratchi: G. Karimov (Toshkent).
O'zPFL vakili: V. Letkin.

Imkoniyatlar: 50:50%


Qarshida qo'lga kiritilgan g'alabadan keyin bugungi o'yin favoriti bu - "Metallurg". Rustam Mirsodiqov o'z jamoasini so'nggi o'yinlarga ancha yaxshi tayyorlab kelyapti. "Andijon" esa hali safarda g'alaba qozona olmadi. Lekin ikki jamoaning ochkolari o'rtasidagi farq katta emasligini ham unutmaslik lozim.



"Metallurg" (Bekobod) - "Andijon" (Andijon)
Hakamlar: SH. Qosimov (Toshkent), A. Usmonov (Toshkent), N. Ro'zimov (Toshkent), A. Ergashev (Toshkent)
Nazoratchi: SH. Jumaev (Qarshi).
O'zPFL vakili: N. Lutfulin.

Imkoniyatlar: 55:45%


Bir o'yinni Ashurmatov bilan, yana birini Ashurmatovsiz o'tkazishga ko'nikib qolgan "Navbahor", bu safar bosh murabbiyi qo'li ostida "Olmaliq"qa qarshi maydonga chiqadi. Vodiy derbisida jamoa chakki harakat qilmagan edi. Faqat o'tkazib yuborilgan ikkinchi to'p juda ham qo'pol xatolar natijasida darvoza to'ridan joy olgandi. Ammo SHahboz shu onni o'zidayoq maydon markazidan turib hisobni tenglashtirish bilan javob berdi. "Olmaliq" esa "Lokomotiv" bilan o'yinda ham kuch yo'qotdi, ham ruhiy ustunlikka ega bo'ldi. "Olmaliq" o'z odatlariga xos tarzda etakchilardan ochko olib, o'rtamiyona jamoalar bilan qiynalyapti.



"Navbahor" (Navbahor) - "Olmaliq" (Olmaliq)
Hakamlar: V. Ceytlin (Toshkent), O. Abduvasilov (Toshkent), T. Gaynulin (Toshkent), R. Kopadze (Farg'ona)
Nazoratchi: R. Serazetdinov (Toshkent).
O'zPFL vakili: B. Xaydarov.

Imkoniyatlar: 50:50%