Trent "Liverpul"ning hozirgi holati haqida gapirdi

Yurgen Klopp shogirdlari chempionat turnir jadvalida to'rtinchi o'rinda borayotgan "Manchester Yunayted"dan 7 ochko va peshqadam "Arsenal"dan 16 ochko ortda qolmoqda.

"Menimcha, odamlar... hozirda yana yuqori darajada o'yin ko'rsatishimizni kutmoqda. "Liverpul" o'z muvaffaqiyati qurboniga aylangandek. Odamlar bizdan har mavsum mukammal o'yin kutadi. Mavsumni kuchsiz o'tkazishimiz taqiqlangan. Bizga barkarorlik kerak, biz ham buni o'zimizdan kutyapmiz.

Bu mavsumdan qoniqa olmasak-da, oldinda hali ko'p vaqt bor. Menimcha, hali yo'lning yarmiga ham kelganimiz yo'q. Oldinda hali uzoq yo'l bor, men hali bizni hisobdan chiqarmagan bo'lardim.

SHunday vaqt keladiki, hammasi joyiga tushadi va biz avvalgi holimizga qaytamiz. Bu sodir bo'lganida hamma xursand bo'ladi. Bu vaqt masalasi", – dedi "Liverpul" himoyachisi.

Trent Aleksander-Arnold joriy mavsum Mersisayd klubi safida barcha musobaqalarda jami 24 ta o'yinda maydonda harakatlandi va 3 ta gol urib, 2 ta assist qayd etdi.