Transfermarkt va Championat.Asia Superligada iyun-iyul oyining eng yaxshilarini aniqlashdi

Ovoz berishda Transfermarkt'ning rus tilidagi versiyasi xodimlari va “Championat.Asia” tahririyati ishtirok etdi, ekspert sifatida O'zbekistonning eng yaxshi futbol sharhlovchilaridan biri Mirzahakim To'xtamirzaev ishtirok etdi. Ovoz berishda 13 va qoldirilgan 8-tur natijalari inobatga olindi.

Aleksandr Xomyakov oyning eng yaxshi murabbiyiga aylandi. Uning qo'l ostida “Andijon” bitta g'alabaga erishdi (“Buxoro” ustidan), ikkinchi uchrashuvda esa safarda amaldagi mamlakat chempioni – “Paxtakor”dan ochko tortib olishga muvaffaq bo'ldi. Xomyakov 62 foiz, “Neftchi” bosh murabbiyi Vitaliy Levchenko (25 foiz) ikkinchi o'rinni egalladi.

O'zbekiston chempionatida oyning eng yaxshi futbolchisi deb “Andijon” jamoasi sharafini himoya qilgan Rubin Xebay tan olindi. U ikkita o'yinda ikkita gol urdi – “Buxoro” darvozasiga g'alaba va “Paxtakor” bilan o'yinda jamoasining durang o'ynashiga yordam bergan gol. Umuman olganda, albaniyalik forvard “Andijon” safida barcha turnirlar doirasidagi 15 uchrashuvda 14 ta samarali harakat (12 ta gol va 2 ta golli uzatma) amalga oshirgan. Unga respondentlarning 70 foizi ovoz berdi.