Toshkentda o'smirlar futboli bo'yicha FIFA elit kurslari start oldi
20 avg 2019 13:20
Yangiliklar

Toshkentda o'smirlar futboli bo'yicha FIFA elit kurslari start oldi

Teglar : FIFA

O'zbekiston futbol associaciyasi mamlakatimizda bolalar va o'smirlar futbolini yanada rivojlantirish maqsadida bir qator chora-tadbirlarni amalga oshirib kelmoqda.

Jumladan, kecha “CHig'atoy” sport bazasida bolalar va o'smirlar futboli bo'yicha FIFA elit kurslari start oldi. O'FA hamda FIFA hamkorlikda tashkil etayotgan mazkur kurslarni FIFA va OFK instruktori, OFK tehnik konsultanti Islom Ahmedov olib bormoqda.

O'quv jarayoni o'z ichiga amaliy va nazariy mashg'ulotlarni qamrab oladi. Qolaversa, guruhlarda ishlash hamda umumiy tahlil jarayoni ham o'tkaziladi.

Ushbu kurslardan ko'zlangan asosiy maqsad – yurtimizda bolalar va o'smirlar futbolini rivojlantirish, qolaversa mamlakatimizda faoliyat yuritayotgan futbol akademiyalari samaradorligini yanada oshirish sanaladi.

Kurslarda O'FA qoshidagi futbol akademiyalari tehnik direktorlari, shuningdek, klublar qoshida faoliyat olib borayotgan futbol akademiya va maktablari direktorlari ishtirok etishmoqda.

Takidlash joiz, mazkur kurslar 23 avgustga qadar davom etadi.