Toshkentda beshta gol o'tkazgan "Al Vahda" o'zida "Al Ayn"ga beshta gol urdi

Yaxshi bilasiz, Toshkentda "Lokomotiv" OCHL 1-turida "Al Vahda" ustidan yirik 5:0 hisobida g'alaba qozondi. BAAga qaytgan "Al Vahda" Umar Abdulrahmon boshchiligidagi "Al Ayn"ga beshta gol urishning uddasidan chiqdi.

Bu o'yinda "Al Vahda" tarkibida Murod Batna, Tariq Ahmed, Sebastyan Tagliabu, Muhammad Al SHehi, Muhammad Al Akbari kabi futbolchilar to'p kiritishdi. "Al Ayn" safida esa Ahmad Xalil gol muallifi bo'ldi.

Statistikaga qaraydigan bo'lsak, o'yinda "Al Vahda" tarkibida "Lokomotiv" bilan kechgan bahsdagi boshlang'ich tarkibdan olti nafar futbolchi maydonga tushmadi. Ruminiyalik murabbiy "Al Ayn" bilan o'yinda argentinalik Sebastyan Tagliabu, marokashlik Murod Batna, janubiy koreyalik Rim CHang Vu kabi futbolchilarni tushirdi, shuningdek darvozani birinchi raqam ostida Muhammad Al SHamsi qo'riqladi.