Ten Hag MYU ECHLda guruhdan chiqish uchun nima qilish kerakligini tushuntirdi

"Manchester Yunayted" bosh murabbiyi Erik ten Hag "Manchester Yunayted" CHempionlar Ligasida guruhdan chiqish uchun nima qilishi kerakligini tushuntirib berdi.

"Biz o'yindan o'yinga kuchayishimiz kerak. Ko'rdikki, oson o'yinlar bo'lmaydi. "Kopengagen" yaxshi o'ynadi, biz g'alaba qozonish yo'lini topishimiz kerak edi.

Keyingi uchrashuv yana ular bilan bo'ladi. Agar o'z darajamizda o'ynamasak, muammoga uchraymiz. Guruhdan chiqmoqchi bo'lsak, ochkolar ishlashimiz lozim. Bizga yana kamida ikkita g'alaba kerak", – dedi mutaxassis.

"Manchester Yunayted" 3-turdan so'ng 3 ochko bilan "A" guruhida 3-o'rinda bormoqda. Mankunianlar turnirdagi navbatdagi o'yinini 8 noyabr kuni safarda o'tkazadi.