Temurxo'ja Abduxoliqov: "Guruhda biz va Saudiya Arabistoni favorit"
30 avg 2019 21:24
Yangiliklar
![](https://championat.asia/upload/storage/515493_original.jpg)
![](/upload/storage/515493_220.jpg)
Temurxo'ja Abduxoliqov: "Guruhda biz va Saudiya Arabistoni favorit"
Saralash bahslarining “D” guruhidan o'rin olgan O'zbekiston milliy terma jamoasi ilk o'yinini 5 sentyabr kuni safarda Falastinga qarshi o'tkazadi. Ayni paytda Ektor Kuper boshchiligidagi milliy jamoamiz mazkur o'yinga hozirlik jarayonini davom ettirmoqda. Milliy terma jamoamiz hujumchisi Temurxo'ja Abduxoliqov O'FA rasmiy saytiga tayyorgarlik jarayoni hamda oldindagi uchrashuv borasidagi fikrlari bilan o'rtoqlashdi.
"Jahon chempionati-2022 saralashining ikkinchi bosqichiga tayyorgarlik jarayonini boshlab oldik. Tarkibdagi barcha yigitlar yig'inga yaxshi kayfiyatda etib kelishmoqda va oldindagi muhim o'yinga jiddiy hozirlik olib borishmoqda.
Guruhimiz haqida gap ketganda, raqiblar ichida Saudiya Arabistoni terma jamoasini favorit, deb hisoblash mumkin. SHuningdek, bizning terma jamoa ham favorit. Biz faqat guruhda 1-o'rinni egallash va keyingi bosqichga yo'l olish uchun kurash olib boramiz. Lekin guruhdan o'rin olgan qolgan raqiblarga ham bepisand qaramaslik lozim. Misol uchun, Falastin terma jamoasining ham qanday o'yin ko'rsatishini oldindan taxmin qilish qiyin. SHu sababdan ham oldindagi o'yinlarga to'liq kuch bilan jiddiy tayyorgarlik olib boramiz.
Yig'inimiz bir hafta davom etadi va so'ngra ikkinchi saralash bosqichidagi ilk o'yinni Falastin terma jamoasiga qarshi o'tkazamiz. Mazkur bahsga tayyor bo'lish uchun vaqtimiz etarli.
O'z navbatida, biz saralashni muvaffaqiyatli o'tkazishga va Jahon chempionati yo'llanmasini qo'lga kiritishga harakat qilamiz", - dedi mahoratli futbolchi.
O’xshash yangiliklar
![AMP Logo](https://championat.asia/image/logo-amp.png)
Fikrlar