Бу ғалаба Навоий клуби учун Ўзбекистон чемпионати тарихидаги 222-си бўлди. Маълумот учун, "Қизилқум" мамлакат биринчилигининг юқори дивизионидаги 22-мавсумини ўтказмоқда. Жамоа 222 баҳсни ўз фойдасига ҳал қилиш учун 629 та ўйин керак бўлди.
Чемпионатимиз тарихига назар солган киши фақат 11 клуб "Қизилқум"дан кўпроқ ўйинларда зафар қучганига гувоҳ бўлади:
1. "Пахтакор" — 601
2. "Нефтчи" — 473
3. "Навбаҳор" — 401
4. "Насаф" — 396
5. "Нурафшон" ("Бухоро") — 319
6. "Бунёдкор" — 264
7. "Сўғдиёна" — 263
8. "Динамо" — 241
9. "Андижон" — 238
10. "Локомотив" — 236
11. "Металлург" — 230
Шунингдек, "Турон" билан баҳсда Ҳамиджон Актамов шогирдлари чемпионат тарихидаги 900-голини ўтказиб юборди. Тарихий гол Яйпанликлар ярим ҳимоячиси Музаффар Музафаровнинг номига ёзилди.
Нестеров дарвозасига киритилган тўп Музаффарнинг Суперлигадаги 6-мавсумида урган 20-голи эканини ҳам алоҳида таъкидлаш керак.
Эслатиб ўтамиз, "Қизилқум" дарвозасига тарихий 800-голни 2019 йилги мавсумнинг 4-турида "Металлург" футболчиси Станислав Андреев урган эди. Ўшанда навоийликлар дарвозасини россиялик Евгений Черемисин қўриқлаган.
Суперлиганинг энг қиммат футболчисини биласизми? Легионерни-чи?
