Tarixda shu kun. "Paxtakor" stadionida 55 000 tomoshabin. O'zbekiston - Iordaniya 2:2

Bundan roppa-rosa 21 yil oldin Vladimir Salkov boshchiligidagi O'zbekiston terma jamoasi JCH-2002 saralash bosqichi ikkinchi raundida Toshkentda Iordaniyani qabul qilgan edi. O'sha paytlar futbolimizda o'zgacha yangilanish davri boshlangan, terma jamoada esa avlodlar almashinuvi jarayoni kechayotgan pallalar hisoblanardi. Bu davrga kelib Igor SHkvirin, Sergey Lebedev, Ilhom SHaripov, Rustam Do'rmonov singari nomlar allaqachon o'rinlarini boshqa futbolchilarga bo'shatib bergandi, deya olamiz. Terma jamoani esa rossiyalik mutaxassis Vladimir Salkov boshqarardi. 

O'yinga keladigan bo'lsak, birinchi bo'limdan so'ng iordaniyaliklar 2:0 hisobida hisobida oldinda borardi. Ikkinchi bo'limda esa Vladimir Maminov va Nikolay SHirshovning gollari mag'lubiyatdan qutqarib qolgan. Quyida o'yin qaydnomasi va videosini ko'rishingiz mumkin. 

JCH-2002 saralash bosqichi. Ikkinchi raund

O'zbekiston - Iordaniya 2:2

Toshkent. "Paxtakor" stadioni. 55 000 tomoshabin

Bosh hakam: Ahmad Supiyan (Malayziya)

Gollar: Vladimir Maminov 51, Nikolay SHirshov 65 - Badran Al SHagran 13, Esam Abu Tuk 23

O'zbekiston: Oleg Belyakov, Oleg Pashinin (Aleksandr Xvostunov, 46), Davron Fayziev, Nikolay SHirshov, Fevzi Davletov, Sergey Lushchan, Mirjalol Qosimov, Aleksey Dionisiev, Vladimir Maminov, Sergey Georgiev (Muxtor Qurbonov, 46), Jafar Irismetov (Ulug'bek Baqoev, 78)

Iordaniya: Ahmad Al Xazelex, Xatem Aqel, Rateb Al Avadat, Adnan Al SHuaibat, Esam Au Tuk, Xussunex Al SHeyix (Rafat Ali, 36), Hatam Al SHbol (Bashar Bani Yosin, 89), Ashraf SHatat, Belal Al Laham, Mahmud SHelbaix

Terma jamoamiz ishtirokidagi boshqa tarixiy o'yinlarni quyidagi havolada ham kuzatib borishingiz mumkin. RETRO O'YINLAR