Taqib davom etadi: A Seriya 27-tur prevyusi
25 fev 2022 18:55
Yangiliklar

Taqib davom etadi: A Seriya 27-tur prevyusi

Bugun Italiya chempionatining navbatdagi tur uchrashuvlariga start beriladi.

"Milan" - "Udineze"

Sariq kartochkalari soni ko'payib ketgani uchun Benasser bu o'yinni o'tkazib yuboradi. SHuningdek, Zlatan Ibragimovich ham maydonga tushishi so'roq ostida turibdi. Jiru hujumda 1-daqiqanoq Leao va Messias bilan harakatlanadi. Santurro va Naytvik jarohati tufayli "Udineze"ga yordam berolmaydi. Endi tiklanayotgan Zegelar ham o'ynashi aniq emas. Bor umid Betu-Deulofeu juftligidan.

Birinchi davra uchrashuvida jamoalar 1:1 hisobida durang o'ynashgandi. Bu gal esa "rossoneri" yaqqol favoritdir. Qolaversa, "Salernitana"ga qarshi bahsdan so'ng ochko yo'qotish mumkin emas.

AC Milan

Rafael Leao - 29'

Serie A . 27-tur

25/02/2022, 21:50

Tugadi

Udinese

Iyenoma Udogie - 66'

Stadion: San Siro, 44588 tomoshabin

Bosh hakam: Matteo Marchetti

45'

90'

Match-senterda ochish

"Jenoa" - "Inter"

Pikkoli va Vandenxauzen jarohati sabab bahsni o'tkazib yuboradi, Amiri esa safga qaytadi. Hujumda Yeboa-Destro duetini ko'rishimiz mumkin. "Sassuolo"dan alamli mag'lubiyatni qabul qilib olgan "Inter" uchun yaxshi yangilik — diskvalifikaciya olgan Brozovich va Bastoni safga qaytdi. Hozirda Indzagidan tarkib borasida jiddiy o'zgarishlar kutish noo'rin, qo'shimchasiga mavjud imkoniyatlar ham bunga yo'l qo'ymaydi.

Oxirgi o'zaro bahsda "Inter" 4:0 hisobida "Jenoa"ni tor-mor etgandi. Ushbu o'yinda "neradzurri" favorit hisoblanmoqda. So'nggi turlarda "Inter" muvaffaqiyat qozona olmagan bo'lsa-da, bu galgi uchrashuv autsayderga qarshi ekanini yoddan ko'tarmaslik lozim. SHunday ekan, Indzagi shogirdlari bunday imkoniyatdan unumli foydalanib, oyoqqa turib olishadi deb umid qilamiz. "Jenoa" esa amaldagi chempionga qarshi jiddiy qarshilik ko'rsatishi qiyinroq bo'lsa kerak.

Genoa

Serie A . 27-tur

26/02/2022, 00:05

Tugadi

Inter

Stadion: Stadio Luigi Ferraris, 14314 tomoshabin

Bosh hakam: Daniele Chiffi

45'

90'

Match-senterda ochish

"Empoli" - "Yuventus"

Ekong va Kutrone maydonga tushishi so'roq ostida turibdi. Andreacolli bu gal Verre va Xaas yordamidan foydalana olmaydi. Xenderson hujumda jamoaning asosiy hujumchisi Pinamontiga ko'maklashadi. "Yuventus"da esa de Ligt bilan birga harakatlanishi lozim bo'lgan Bonnuchchi safga qaytishi kutilmoqda. Kellini ham qaytish arafasida turibdi. Makkenining jarohatini inobatga olsak, maydon markazini kimlar egallashi deyarli aniq — kutilmagan sovg'alar bo'lmaydi. Hujumda borgan sari birgalikda ajoyib o'yin ko'rsatayotgan Vlaxovich-Morata juftligini ko'ramiz.

Birinchi davra bahsida "Empoli" Turindan 1:0 hisobidagi mag'lubiyat bilan qaytgandi. Endi "keksa sinora" javob berish niyatida turibdi. Umuman olganda, jamoani favorit sifatida ko'rilishi normal holat. Biroq oson bo'lmasligi aniq. "Empoli" o'z o'yini va natijalari bilan muntazam ravishda istalgan top klubga bosh og'riq bo'la olishini isbotlab keladi.

Empoli

Szymon Zurkowski - 40', Andrea La Mantia - 76'

Serie A . 27-tur

26/02/2022, 21:05

Tugadi

Juventus

Moise Kean - 32', Dusan Vlahovic - 45', Dusan Vlahovic - 66'

Stadion: Stadio Carlo Castellani, 11890 tomoshabin

Bosh hakam: Fabio Maresca

45'

90'

Match-senterda ochish

"Lacio" - "Napoli"

Albatta, sobiq jamoasiga qarshi o'ynash hech qachon oson bo'lmagan. Sarrining baxtiga, deyarli barcha o'yinchisi ixtiyorida turibdi. Pedro o'ynashi so'roq ostida, lekin tuzalib, maydonga tushishga hali imkoni bor. Luchano Spallettining esa tarkib bilan bog'liq katta muammolari bor, yaxshi hamki zaxira o'rindig'ida futbolchilar etarli. Di Lorenco va Demme asosiy tarkibda maydonga tushishi kutilmoqda. Hujumda Politano, Insine va Osimxenni ko'ramiz.

"Partenopeylar" Neapolda raqibi darvozasiga 4ta javobsiz gol urishgandi. Bu gal ham "Napoli" favorit sanalmoqda. Ikki jamoa ham shu hafta Evropa Ligasidan chiqib ketdi. SHunday ekan, A Seriyada g'alaba qozonish uchun ikkisi ham bor kuchi bilan harakat qiladi.

Lazio

Pedro Rodriguez - 88'

Serie A . 27-tur

27/02/2022, 23:50

Tugadi

SSC Napoli

Lorenzo Insigne - 62', Fabian Ruiz - 90'

Stadion: Stadio Olimpico, Rome, 25000 tomoshabin

Bosh hakam: Marco Di Bello

45'

90'

Match-senterda ochish

"Atalanta" - "Sampdoriya"

Hozir "Atalanta" tarkibi bilan bog'liq muammolari bor. Kichik shikastlanish tufayli Muriel o'ynamaydi, markaziy hujumchi rolida Boga harakatlanadi. Uning ortida Pashalich va Malinovkiy o'ynaydi. SHuningdek, Jimsiti maydonga tushishi so'roq ostida turibdi. Jarohatlardan qochib qutila olmayotgan Sensi ham Genuyadagi uchrashuvni o'tkazib yuboradi. Qolaversa, Antonio Kandreva ham jamoasiga yordam berolmaydi. Konti uning vazifasini bajarishi lozim. Son qismidagi muammo tufayli Jovinkoning debyuti ham ortga surilmoqda. Hujumda Kaputo-Kvalyarella duetini ko'ramiz.

So'nggi o'zaro bahsda "Atalanta" Genuyada 3:1 hisob bilan "Sampdoriya"ni mag'lub etgandi. Hozir ham bergamoliklar favorit hisoblanmoqda. Asta-sekin bo'lsa-da, ularning holati yaxshilanmoqda. SHunday ekan, Jampaolo shogirdlariga oson bo'lmasligi aniq.

Atalanta

Mario Pasalic - 6', Teun Koopmeiners - 29', Teun Koopmeiners - 61', Aleksey Miranchuk - 86'

Serie A . 27-tur

28/02/2022, 23:50

Tugadi

Sampdoria

Stadion: Gewiss Stadium, 10245 tomoshabin

Bosh hakam: Simone Sozza

45'

90'