Taganlik yoshlar yashil maydonda
10 may 2017 13:14
Yangiliklar

Taganlik yoshlar yashil maydonda

Teglar : Xorazm

Har yili 9 may – Xotira va qadrlash kuni arafasida Xorazm viloyati Yangiariq tumanining “Navro'z” futbol klubi tomonidan o'smirlar o'rtasida musobaqa o'tkazish ananaga aylangan.

Albatta, joriy yil ham bundan mustasno bo'lmadi. Tumandagi Tagan qishlog'ining “Killavit” stadionida 2004-2005 yillarda tug'ilgan yosh “charm to'p” ustalari o'rtasida turnir uyushtirildi. O'tganlarni yod etish, nuroniy otaxon va onaxonlarni ardoqlash va ularga mehr-muruvvat ko'rsatish kabi xalqimizning azaliy urf-odatlari, qadriyatlarini ezozlash, buning barobarida, yoshlarni sportga oshno tutinishini taminlash maqsadida tashkil etilgan musobaqada mazkur qishloqning to'rt jamoasi o'zaro kuch sinashdi.

Uchrashuvlarni yuqori saviyada olib borgan “Navro'z” jamoasi (murabbiyi Q. Sobirov) g'oliblikni qo'lga kiritdi. Keyingi faxrli o'rinlarga “Gulshanda” mahallasi va 15-son umumtalim maktabi jamoalari sazovor bo'ldi.

Ikrom XUDOYBERGANOV.

Havola :

Manba : championat.asia

Yangiliklarni Telegramda o'qing!

Reyting: +1