Tachmurod Agamurodov: Jamoam o'yinidan qoniqdim

Bugun issiq havoda to'p surish har ikki tomon uchun qiyinchilik tug'dirdi. Birinchi bo'limda standart vaziyati – burchak to'pi vaqtida yo'l qo'ygan bitta xatomiz natijaga tasir qildi. Tarkib borasida ham muammolar borligi, bugungidek kuchli va peshqadam jamoaga qarshilik ko'rsatishimizga tasir qildi. Umuman olganda jamoa xarakatidan qoniqdim - deydi murabbiy.

CHindan ham tarkibimizda muammolar bor edi. Ikki asosiy himoyachimiz Akmal Xolmurodov va Ildar Mamatkazinlar ijara kelishuviga binoan maydonga tusha olmasdi. Ularning o'rniga tushirilgan yosh o'yinchilar bugun ancha yaxshi harakat qilgan bo'lishsada, hali bunday o'yinlarga to'liq tayyor emaslar. So'nggi o'yinlarda jamoamiz o'yinida o'sish kuzatilgan bo'lsada, yakunda kichik hisobdagi mag'lubiyatlar bilan cheklanayapmiz. Keyingi o'yinlarda bugun jamoani qo'llab-quvvatlashdan to'xtamagan muxlislarimizni xursand qilishga intilamiz - deya fikrini yakunladi Tachmurod SHamakovich.