"Surxon" futbol klubi uchun jahon standartlariga mos sport bazasi quriladi

O'zbekiston Respublikasi Prezidentining 2018 yil 5 martdagi “Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari to'g'risida”gi PF–5368-son farmoni hamda 2018 yil 16 martdagi "FUTBOLNI YANADA RIVOJLANTIRISH CHORA-TADBIRLARI TO'G'RISIDA" PQ-3610 sonli qaroriga muvofiq, istiqbolli va iqtidorli futbolchilarni tayyorlashning samarali tizimini yaratish, professional futbol klublari uchun sifatli sport zaxirasini shakllantirish, moddiy texnik bazasini yaxshilash borasida Surxondaryoda ham keng ko'lamli ishlar olib borilmoqda.

"Surxon" futbol klubi murojaati etiborga olinib, 2021 yilda Surxondaryo viloyati hokimi, "Surxon" PFK prezidenti Bobolov To'ra Abdievich va "Surxon" PFK bosh homiysi "O'zbekgidroenergo" rahbari, senator Sanginov Abdug'ani Abduraxmonovich tashabbuslari bilan "Surxon" futbol klubi uchun jaxon talablariga mos sport bazasi va akademiyasini qurish uchun Termiz tumani hududidan er ajratish buyicha tuman mamuriyatiga topshiriq berildi.

Viloyatining bosh jamoasi moddiy-texnik bazasini qurish, sharoitlarni yaratish borasida yaqin kunlarda keng ko'lamdagi ishlar boshlab yuboriladi.