Suriyalik futbolchi: "Qolgan ikki uchrashuvda 6 ochko qo'lga kiritishimiz kerak"

- O'yin haqida fiklaringizni bildirib o'tsangiz, uchrashuv ikkala jamoa uchun ham qiyin kechdi? 

- O'zbekiston kuchli jamoa ekanligini bilardik, qiyin uchrashuv o'tkazdik va mag'lub bo'ldik, bizda ham xavfli vaziyatlar bo'ldi, lekin ulardan foydalana olmadik. O'zbekiston kuchli raqib va bugun biz guruh favoriti bilan to'qnash keldik.

- Suriya terma jamoasidan qolgan ikki uchrashuvda nimalarni kutsak bo'ladi? 

- Maqsadimiz qolgan ikki uchrashuvda g'alaba qozonish, ikki uchrashuvda 6 ochkoni qo'lga kiritishimiz kerak. Ushbu musobaqada oson raqiblar bo'lmaydi va birinchi uchrashuvimiz bunga isbot. 

- Evropada o'ynaysiz ("Gerta II"), ushbu turnirdagi o'yinchilar darajasi evropadagi yoshlar bilan solishtirganda, qanchalik farq qiladi? 

- Osiyoda ham iqtidorli futbolchilar talaygina, bugun bunga guvoh bo'ldik, O'zbekiston tarkibida ham katta salohiyatli o'yinchilar ko'p ekan. 

- Turnirdagi maqsadingiz qanday?

- Maqsadim, jamoamga foyda keltirish, keyingi bosqichga chiqishimiz bu asosiy maqsadimiz.

Abdulvosit Bektemirov suhbatlashdi