Suriya U-20 termasi ustozi Mark Votte: "O'zbekiston bilan o'yinga tayyormiz"

"Biz Toshkentda ekanligimizdan xursandmiz. Turnirgacha 8 ta o'rtoqlik uchrashuvi o'tkazdik. Ularda 5 marta g'alaba qozonib, 3 marta mag'lubiyatga uchradik. Maqsadimiz – terma jamoaga yaxshi o'yinchilar etkazib berish. 

Biz oldimizga ikkita maqsad qo'yganmiz. Yarim finaliga etib borish va Jahon chempionatiga chiqish", – dedi Mark Votte.

- Suriyadagi zilziladan so'ng futbolchilarning tiklanishi qanday bo'ldi? 

- Albatta, bu yomon holat. Ushbu avlod qiyin davrda o'sgan va er qimirlashi ham katta tasir o'tkazdi. Men o'yinchilarga 5 kun dam berdim  va 2 kun oilalari davrasida bo'lishdi.

- Suriya terma jamoasidan avval Marokash yoshlarini boshqargansiz. Bu terma jamoadagi ko'p futbolchilar Jahon chempionatida harakat qildi. Bu borada nima deya olasiz?

- Qilgan mehnatlarimiz samara bergani quvonarli. Suriya futbolchilarini ham Evropaga yuborish niyatimiz bor. Ularda salohiyat katta.

- Jamoani ko'proq mahalliy futbolchilardan yig'dingiz. Bu Jahon chempionatiga chiqish uchun etarli bo'ladimi?

- Suriyalik o'yinchilar butun dunyoda bor. Biz Daniya, Rossiya, umuman, Evropadan barcha o'yinchilarni yig'ishga harakat qildik. Mahalliy futbolchilar va legionerlarni uyg'unlashtirdik. "Gerta"da o'ynaydigan Mustafo Abdulativni chaqirdik. 

- O'zbekiston haqida fikringiz qanday? Kuchli va kuchsiz chiziqlari bormi?

- O'zbekiston – mezbon va guruh favoriti. Ertaga birinchi raqibimiz ham aynan O'zbekiston. Bu raqib bilan o'yinga tayyormiz.