Suriya qanday tayyorlanmoqda?

25 iyulda chempionat bahslari yakuniga etgach, darhol Damashqda yig'in boshlandi. Ikki haftalik yig'indan so'ng kichik tanaffus elon qilinib, 15 avgustdan navbatdagi yig'in o'tkazilishi elon qilingandi.

SHu kunlarda boshlangan yig'indagi futbolchilar ro'yxati hozircha elon qilingani yo'q. Suriya OAV xabariga ko'ra, Ayman Hakim boshchiligidagi jamoa Rossiyadagi yig'in o'tkazadi va Armaniston bilan 22-24 avgust kunlaridan birida o'rtoqlik uchrashuvi o'tkazadi. Biroq Armaniston tomoni Suriya bilan o'yin o'tishi haqida biror izoh qoldirmagan. 27 avgust kuni Xo'jand shahrida Suriya Tojikistonga qarshi o'rtoqlik uchrashuvida maydonga tushadi. So'ng suriyaliklar yurtimizga kelib, 1 sentyabr kuni termamiz bilan o'ynaydi.

Milliy chempionat o'yinlari yo'qligi tufayli Suriya avgust oyida to'liq yig'in o'tkazish imkoniyatiga ega bo'ldi. Suriya 2-turda Janubiy Koreya bilan o'yinini Livan poytaxti Bayrutda o'tkazishi OFK saytida belgilangan.