“SuperMokh Cup 2015” turniri oldidan yig'ilish bo'lib o'tdi

Unda turnir tashkilotchilaridan tashqari 40dan ortiq jamoa vakillari ham qatnashishdi. Yig'ilishdan ko'zlangan asosiy maqsad ishtirokchilarga musobaqa nizomini tushuntirish, uchrashuvlar o'tkaziladigan stadionlarni tanishtirish, qolaversa jamoalarning qanday rangli liboslarda harakat qilishi borasida aniq to'xtamga kelib olish bo'ldi.

SHuningdek, jamoalarning musobaqada ishtirok etish uchun topshirgan ro'yxatlariga asosan futbolchilarning pasportlari ham ko'zdan kechirilib, “zayavka”ga to'g'ri keladimi yoki yo'qmi, degan savolga ham aniqlik kiritildi.

Ochig'ini aytganda, musobaqa boshlangunga qadar olib borilayotgan tashkilotchilik hammani lol qoldirmoqda. “SuperMokh Cup 2015” musobaqasi 7 dekabrdan rasman start oladi.

Eslatib o'tamiz, turnirning 1-tur doirasida “Bunyodkor” futbol maktabining 2002 yilda tavallud topgan futbolchilari Filippin U-13 terma jamoasi bilan kuch sinashishadi. 2003 yilda tug'ilgan tarbiyalanuvchilarimiz esa Janubiy Koreyaning “Paju” jamoasi bilan bellashishadi. Har ikkala uchrashuv ham 7 dekabr kuni mahalliy vaqt bilan soat 12:10da (Toshkentda 09:10) bo'ladi.

Musobaqa uchun atalgan kubok