Superligada keyingi yil nechta jamoa bo'ladi?

Kecha O'FA binosining majlislar zalida Superliga klublari hamda Pro ligadan Superligaga chiqishni maqsad qilgan jamoalar rahbarlari ishtirokida majlis o'tkazildi. Yig'ilish yopiq bo'lgani uchun (nima sababdanligi qorong'i) OAV vakillari kiritilmadi.

SHunga qaramay, o'zimiz uchun kerakli bazi yangiliklarni olishga muvaffaq bo'ldik. Bizga malum bo'lishicha, kelasi yil Superligada yana 12ta jamoa qatnashadi. Faqat musobaqani o'tkazish formati o'zgarishi kutilmoqda. SHuningdek, katta ehtimol bilan "oltin ochkolar" qoidasi bekor qilinadi.

Yig'ilishda reklama va marketingga oid masalalar ham ko'tarilgan. Eng asosiy vazifa bu Superliga o'yinlariga imkon qadar ko'proq muxlislarni jalb qilish. Umuman olganda, hozirgi sharoitda 12talik format eng maquli. Ko'pchilik 14ta qilish kerak deyayotgani bilan agar Superligada jamoalar soni oshgudek bo'lsa, unda Pro ligada raqobat yo'qolib qoladi.

X.Xoliqov.