Superliga turnir jadvali: "Loko" qani?

Superliganing 5-turidan keyin Mirjalol Qosimov boshchiligidagi "Bunyodkor" jamoasi 13 ochko jamg'argan holda yakka peshqadamlik qilmoqda. Keyingi o'rinlarda esa "Paxtakor", "Nasaf", "Metallurg" hamda "Buxoro" jamoalari borishmoqda. Bu to'rt jamoa hisobidagi ochkolar 9tani tashkil qilgan. "Navbahor" esa 8 ochko bilan kuchli-oltitalikni yakunlab turibdi.

Oliy liga tarixidagi so'nggi chempion, chempionatimizning amaldagi oltin medali sohiblari "Lokomotiv" esa kuchli-oltitalikda ham ko'rinish bermayapti. Miklyaev-Yelichich tandemi boshqarayotgan jamoa 5-turdan keyin 5 ochko to'plagan holda jadvalda 9-o'rinda bormoqda. To'plar nisbati ham mos ravishda 5-5.

"Lokomotiv" Superligada ketma-ket 4 uchrashuvda g'alaba qozona olmayapti. "Temiryo'lchilar" Superliga tarixida hali o'z uylaridagi uchrashuvlarda g'alaba qozonishgani yo'q.

Pastki oltitalikda esa "Neftchi" va "So'g'diyona" raqiblarga ochko ulashuvchi rolida borishmoqda. Bu jamoalar hali g'alaba nashidasini surishmagan.

Superliga, 5-turdan keyingi turnir jadvali