O'zbekiston Superligasi. "Surxon" Samarqandda, "Neftchi" va "Qo'qon-1912" Yaypanda, "Olimpik" esa "Paxtakor"da o'ynaydi

Unda jamoalar Berger tizimi asosida o'z raqiblarini bilib oladi. O'tgan mavsum yozning uch oyida “Qo'qon-1912”, “Surxon”, “Mashal” va “Andijon” jamoalari uy uchrashuvlarini boshqa stadionda o'tkazishiga to'g'ri keldi. Endilikda “Surxon” stadioni talab darajasiga kelguniga qadar klub o'z uy uchrashuvlarini Samarqanddagi “Dinamo” stadionida o'tkazadi. “Qo'qon-1912” esa Yaypandagi “O'zbekiston” stadionida raqiblarini qabul qiladi.

“Neftchi” va “Olimpik” jamoalari stadionida tamirlash ishlari olib borilayotgani tufayli, ular mavsum startida uy o'yinlarini boshqa arenalarda o'tkazadi. “Neftchi” Yaypandagi “O'zbekiston” stadionidan, “Olimpik” Toshkentdagi “Paxtakor” stadionidan foydalanib turadi.

Qura avvalida uy o'yinlarini bir stadionda o'tkazadigan klublar o'zaro juftliklarga ajratib olinadi. SHu orqali bir tur doirasida mazkur jamoalarning biri safarda, ikkinchisi esa uyda o'ynashi taminlanadi. Demak, qura avvalida quyidagi uch juftlik alohida ajratib olinadi: “Paxtakor” va “Olimpik”, “Dinamo” va “Surxon”, “Neftchi” va “Qo'qon-1912”.

Qurada sharchalarni tortish aynan mana shu jamoalardan boshlanadi. Bergerga ko'ra, quyidagi raqamlar o'zaro juft hisoblanadi:

1 va 8;

2 va 9;

3 va 10;

4 va 11;

5 va 12;

6 va 13;

7 va 14.

Malumot uchun. Agar juftlikka ajratib olingan jamoalarga 4 yoki 11 raqamlaridan biri tushsa, ushbu ikki klub 1-turdayoq to'qnash keladi. Qolgan kombinaciyalarda bunday holat kuzatilmaydi.