Superliga. "Nasaf"chilarga atalgan 20-tur laureatlari

Championat.asia tur bahslari asosida tur laureatlarini aniqladi.

"Nasaf" klubi bu tur o'z maydonida "Bunyodkor"ga qarshi o'ynadi va 5:0 hisobida g'alabaga erishdi. "Ajdarlar" mavsumdagi eng chiroyli g'alabalaridan birini aynan shu turda qo'lga kiritishdi. SHu bois Ro'ziqul Berdiev championat.asia sayti talqiniga ko'ra 20-turning eng yaxshi murabbiyi deb topildi.

"Surxon" bu tur Olmaliqda AGMK mehmoni bo'ldi va kichik hisobda mag'lub bo'ldi - 0:1. Agarda termizliklar darvozaboni Rustam Nartadjiev seyvlar qilmaganida hisob ancha yirik ko'rinish olardi. U bahs davomida jamoasini bir necha bor muqarrar gollardan saqlab qoldi. SHu bois Championat.asia sayti talqiniga ko'ra, 20-turning eng yaxshi darvozaboni Rustam Nartadjiev bo'ldi.  

Bu turda "Nasaf" hujumchisi Husayn Norchaev "Bunyodkor" bilan bahsda ajoyib gol urdi va tur goli muallifiga aylandi. 

"Nasaf" safida "Bunyodkor"ga qarshi bahsda Oybek Bozorov juda faol o'ynadi. Bitta gol urishdan tashqari bitta golga assistentlik qildi. SHu tariqa, Oybek Bozorov championat.asia talqiniga ko'ra 20-turning eng yaxshi futbolchisi deb topildi.

O'zbekiston chempionati turnir jadvali >>>>> Superliga