Superliga. 6-tur ramziy terma jamoasi

Unga ko'ra, darvozaga AGMK posboni Pavel Matyash loyiq ko'rildi.

CHap qanot himoyasiga esa "Qo'qon-1912" futbolchisi Aleksandr Merzlyakovni qo'ydik.

Markaziy himoyada "Paxtakor" legioneri Marko Simich va "Nasaf" legioneri Igor Golbanni munosib ko'rdik.

O'ng qanot himoyasi esa AGMKdan Abduqahhor Xojiakbarov bilan to'ldirildi.

Markaziy yarim himoyachilar sifatida Sardor Sobirxo'jaev ("Bunyodkor") va Robbim Hasanov ("Buxoro") tanlab olindi. Bu ikki yarim himoyachilar ushbu turda faol o'yinlari bilan ajralib turishdi. Sobirxo'jaev "Metallurg"ga qarshi bahsda gol urdi va bitta golga pas ham berdi.

CHap qanot vingeri sifatida "So'g'diyona"dan Izzatilla Abdullaev tanlandi. Zaxiradan tushirilgan Abdullaev bitta gol urdi va bitta golga pas berdi. SHu tariqa, u jamoasining chiroyli kambekni amalga oshirishiga katta hissa qo'shdi.

O'ng qanot vingeri esa "Buxoro"dan Aziz Ibragimov. Zaxiradan maydonga tushirilgan Ibragimov jamoasining g'alaba to'pini kiritdi.

6-tur ramziysida hujumga SHahzod Nurmatov ("Bunyodkor") va Dragan CHeran ("Nasaf") qo'yildi. Har ikki hujumchi ham bu haftada bittadan gol urib, bittadan golli pas berdi.

Demak 6-tur ramziy terma jamoasi bilan tanishing:
Darvozabon: Pavel Matyash

Himoyachilar: Igor Golban, Abduqahhor Xojiakbarov, Marko Simich, Aleksandr Merzlyakov

Yarim himoyachilar: Sardor Sobirxo'jaev, Robbim Hasanov, Izzatilla Abdullaev, Aziz Ibragimov

Hujumchilar: SHahzod Nurmatov, Dragan CHeran